« »
 
[]« Donatio » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 179c. http://ducange.enc.sorbonne.fr/DONATIO
DONATIO, Idem quod Donum 2. Præstatio quævis, tributum, quod sub donationis ultroneæ titulo domino præstatur. Lit. ann. 1357. tom. 4. Ordinat. reg. Franc. pag. 448 :
Propter quæ idem dominus noster rex est circa hoc multipliciter et diversimode dampnificatus in partionibus, Donationibus, redditibus et emolumentis bladorum, vinorum et aliorum fructuum ex cultura prædiorum provenientium et procedentium, quæ, ut dictum est, per dictas feras bestias devastantur et continue consumuntur.
P. Carpentier, 1766.
Donatio ante Nuptias, vel Propter nuptias, in Instit. Justin. lib. 2. tit. 7. idem quod supra Agentiamentum, Antefactum, Augmentum dotis et infra Dos 2. Vide in his vocibus.
les Bénédictins de St. Maur, 1733–1736.
Donatio Ecclesiæ, Ejus collatio, Gall. Presentation. Epistola Prælatorum Normanniæ ad Philippum Aug. Franc. Reg. inter Concilia Rothomag. pag. 105 :
Quatuor Presbyteri et quatuor Milites jurabunt super Sacrosancta ; et Episcopus exinde sive Archiepiscopus examinabit quod ipsi octo dicent, ad quem spectare debeat Donatio Ecclesiæ de jure patronatus.
Vide ibi Diploma prædicti Reg. Augusti.
P. Carpentier, 1766.
◊ Donnisons, eadem acceptione, in Charta Philippæ comit. Gelriæ ann. 1277. ex Lib. nigr. 2°. S. Vulfr. Abbavill. fol. 64. v°. :
Lekele capelerie devant dite je nome comme fonderesse, et por che k'il apere ke le premiere Donnissons en soit moie, je doins por Dieu et en amosne à monseigneur Jehan men capelain, ki ma servie à tout le cors de sa vie.
Vide infra Donum 3.
P. Carpentier, 1766.
Donatio Inofficiosa, Quæ fit in damnum et fraudationem hæredum. Lit. Joan. reg. Franc. ann. 1361. in vol. 10. arestor. parlam. Paris. :
Cum vicecomes de Thoarico plures contractus, Donationes [] inofficiosas et transporta plurimorum hæreditagiorum suorum fecerit, etc.
Vide Inofficiosum testamentum.
P. Carpentier, 1766.
Donationis Lucrum. Vide supra Antefactum.
Donatio per Præsentem, Donatio inter vivos. Chrodegangus in Regula Canonicor. Metensium cap. 31 :
De rebus, quas habent solenniter Donatione per præsentem donet ad Ecclesiam B. Pauli ad opus Dei, etc.
L. Henschel, 1840–1850.
de donatione regis esse dicebantur apud Anglos nobilium viduæ et filiæ, quæ maritis vel parentibus mortuis in custodia regis erant, ut domini capitalis, qui eas pro arbitrio suo nuptum collocaret. Vide supra in Disparagare et Glanvillam lib. 7. cap. 9. et 10.
De placito injustæ desponsationis cujusdam dominæ quæ fuit de Donatione domini regis
, in Placit. pasch. ann. 9. Rich. I. Northumb. in Abbrev. Placit. pag. 20. Hub.
de Monte attachiatus fuit ad respondendum domino regi de placito quare desponsavit Elam, quæ fuit uxor Roberti de Shelton, quæ fuit de Donatione domini regis sine licentia domini regis, et eadem Ela similiter summonita fuit ad respondendum domino regi quare permisit se maritari
, in Placit. ann. 26. Henr. III. Hertford. ibid. pag. 120. In Donacione dom. regis, in Placit. Rich. I. ibid. pag. 13.
L. Favre, 1883–1887.
◊ Droit sur les Donations :
Omnisque census et omnes fiducie et omnes redditus et leide macellorum et salis et omnes Donationes sint monachis in perpetuum. (Cartular. Conchar. Ruthen. p. 386, an. 1106).
© École des chartes.