ECCLESIASTICA, Glossarium mediae et infimae latinitatis, Du Cange et al.

« Ecclesiastica » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 227b. http://ducange.enc.sorbonne.fr/ECCLESIASTICA

ECCLESIASTICA. Necrologium Prioratus de Fontanis, tom. 2. Hist. Eccl. Meld. pag. 470 :

Domna Emelina, sacrata Deo, venerabilis Clerica et honorabilis Priorissa claustralis, doctrix nobilissima et bona Ecclesiastica... quia prædicationis pollebat vigore, omnium sororum in Deum provocabat affectum.

Ubi per Ecclesiasticam intelligo Concionatricem, quæ suis sermonibus Sorores suas ad pietatem excitabat, a Græco ἐϰϰλησιαστής, Concionator.

les Bénédictins de St. Maur, 1733–1736.

Ecclesiastica Femina, Mulier conditionis obnoxiæ, sic addicta Ecclesiæ, ut ab ea non posset recedere. Lex Ripuariorum tit. 16. § 1 :

Si quis feminam regiam (id est fiscalinam) aut Ecclesiasticam parientem interfecerit, trecentis solidis culpabilis judicetur, aut cum triginta sex juret.

Vide Ecclesiastici viri.

Ecclesiasticæ Literæ, Eædem cum Formatis et Commendatitiis ; quæ abeuntibus Clericis in aliam diœcesim ab Episcopo dabantur. Lupus Ferrariensis Epist. 122 :

Litteras etiam eum Ecclesiasticas habere a venerabili Episcopo nostro G. certissime scio, nec impedire aliquid, si Deus eum vocat, quo juste infirmari possit electio.

Vide S. Hieronymum lib. 2. in Ruffinum cap. 5.