ESTABILITAS, Vox fori Normannici, cum scilicet res, de qua est controversia, in manu regis ponitur, donec judicio decisa fuerit. Héritage qui est demandé par Establie, in Consuet. Norman. cap. 66. et 91. Scacar. apud Cadom. ann. 1236. in Reg. S. Justi Cam. Comput. Paris. fol. 25. r°. col. 2 :

Guillermus de Reniers miles petiit ab hominibus suis quædam servicia. Ipsi dixerunt se fecisse illa servicia ; sed nec (per) feodum, nec per costumam miles habuit saisinam illorum serviciorum. Petebant homines Estabilitatem : miles tanquam saisitus volebat se deffendere per duellum tantum. Judicatum est quod homines debebant et poterant habere breve de sordemanda.

Vide Stabilia 2.