FALASIA, Falacia, Fallazia, Modus agri, f. ab editiori loco sic dictus, nisi idem sit quod Falcata. Calendarium MS. anniversar. B. Mariæ de Argentolio :

xiii. Kalend. Martii, anniversarium D. Roberti magistri, qui dedit caritatibus de Argentolio pro anniversario quatuor libras super Falacia Symonis Egri.

Ibidem :

Anniversarium fratris Petri de Boysiaco Prioris de magno Puteo, qui dedit nobis xii. sol. annui reditus super Fallasia Auberti piscatoris.

Ibidem :

iii. Non. Maii, anniversarium Agnetis Lahaselle, quæ dedit nobis Fallaziam Aden.

Rursum :

Idib. Decemb. anniversarium fratris Guillelmi de Thoriaco.... pro quibus habemus medietatem Falasiæ... quæ bene valet xii. sol. annui redditus.

Vide Falesia. Idem, ut videtur, quod infra Falesia 2.