FAZENDERA, Expeditio militaris. Charta Sancii reg. Navar. pro hominibus de Larraga æra 1246. in Reg. 64. Chartoph. reg. ch. 68 :

Concedo eis etiam... quod ipsi, neque illorum homines sive bestiæ non vadant ad meam aliquam Fazenderam, neque in Fazenderam illius (l. ullius) hominis ; sed inexercitum vadat de unaquaque casa unus homo.

For. Pennæmaj. ann. 1199. apud S. Rosa de Viterbo pag. 438 :

Qui habitaverint in domibus aut in hæreditatibus alienis, non serviant neque faciant Fazendeiram, nisi dominis suis, in quorum domo aut hæreditate sederint.

Debita servitia omnis generis ita dicta videntur  ; neque aliud est Facienda in For. Vis. ann. 1187. ibidem, pag. 437. voce Fazenda :

Milites et clerici qui in veteri civitate de Viseo casas habuerint, possideant eas sine regali Facienda, et mercatores et pedones similiter.

Vide supra Faisenda.