« »
 
FUGA 1, FUGA 2, FUGA 3, FUGA 4.
[]« 1 fuga » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 622a. http://ducange.enc.sorbonne.fr/FUGA1
1. FUGA, Gall. Chasse, vel Chace, Venatio, jus venationis, quia venando fugantur feræ. Charta Alani Comitis Pentevriæ ann. 1211. apud Augustin. du Pas :
Retenta mihi ferarum Fuga, et accipitrum captura.
Charta ann. 1270. in Tabular. Abbat. Pontiniac. :
Præterea dictus Miles sibi et hæredibus suis retinuit Fugam sive chaciam in dicto nemore.
Charta Guillelmi V. Aquitaniæ Ducis :
Volui etiam et concessi Fugam cum avibus et canibus, et garennam ad cuniculos in suis terris.
Gesta Guillelmi Majoris Episcopi Andegav. cap. 29 :
De venatione et Fuga ferarum nemoris de Boucheto.
Fugare, Venari, Gallis Chasser. Papias : Fugare, insequi, expellere. Radevicus lib. 3. cap. 26 :
Si quis per canes leporarios feram Fugaverit, non erit necessario sua, sed erit occupantis.
Charta Henrici I. Regis Angl. in Tabulario Fiscanensi f. 8 :
Prohibeo, ne quis sine ejus licentia mea Fuget, vel leporem, vel aliam bestiam capiat super 10. libr. forisfacturæ.
Petr. de Vineis lib. 2. Epist. 53 :
Dum herba crescit, equus moritur : dum Fugans canis mingit, fugiens lepus evasit.
Chartular. Gemetic. tom. 3. pag. 23 :
Ne quis in ea Fuget vel leporem capiat sine licentia.
Charta Ph. Comitis Bolon. ann. 1232. ex Archivo Cameræfontis :
Concedimus prædictis Abbati et Conventui et eorum servientibus ab eisdem missis, facultatem et potestatem omnimodam venandi[] seu Fugandi, cum canibus, avibus, furonibus, rethis et alio quoquo modo.
Fugare et Refugare animalia in chacia, tom. 2. Monast. Anglic. pag. 292. Vide Fletam lib. 1. cap. 20. § 69. lib. 2. cap. 41. § 23. Monasticum Anglic. tom. 1. pag. 219. 507. 551. 583. tom. 2. pag. 994. tom. 3. pag. 122. 161. W. Dugdalum in Antiquit. Warwicensis Provinciæ pag. 665. Madox Formul. Anglic. pag. 384. etc.
Fugare Averia, Animalia ad pasturam abigere, Chasser les bestiaux aux champs. Monasticum Anglic. tom. 1. pag. 777 :
Ac homines et tenentes eorum habeant in perpetuum liberos et sufficientes introitus et exitus, ad se et ad omnimoda Averia sua Fuganda, et carragia sua facienda, etc.
Vide Chacea.
les Bénédictins de St. Maur, 1733–1736.
Fugare Districciones, Capere pignora donec debitum solvatur. Charta data ann. 3. Henrici V. Regis Angl. apud Madox Formul. Anglic. pag. 142 :
Et si contingat dictas centum libras a retro existere ad aliquem terminum prædictum, quo solvi debeat, in parte seu in toto, quod tunc bene liceat prædicto Comiti, executoribus et assignatis suis, distringere in prædictis maneriis.... et Districciones sic factas Fugare et retinere, quousque plenarie fuerit sibi satisfactum.
Fugaces Bestiæ. Auctor Queroli :
Multum se aliqui laudant, qui vel pugnaces feras vel Fugaces Bestias, aut vestigiis insequuntur, aut cubilibus deprehendunt, aut casu opprimunt.
Fugatio, Idem quod Fuga. Charta Henrici Reg. Angl. pro Londinensibus :
Et cives habeant Fugaciones suas ad fugandum, sicut melius et plenius habuerunt antecessores eorum.
Charta Philippi Fr. Reg. ann. 1207. in Tabulario Sangerm. :
Eidem Ecclesiæ confirmamus præterea quitationem illam, quam Petrus Miles de Samesio.... fecit dicto Abbati Hugoni coram genitore nostro de jure Fugationis, venationis et haiæ.
Rursus mentio est de Jure Fugationis, venationis et haiæ, in Charta Hugonis Abb. in eodem Tabulario.
© École des chartes.
[]« 2 fuga » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 622b. http://ducange.enc.sorbonne.fr/FUGA2
2. FUGA. Esse in Fuga domini, Dicitur de subdito seu vassallo, quem dominus fugientem persequitur, ut illum domino superiori sistat. Charta Hugon. comit. Regitest. ann. 1218. in Chartul. Campan. ex Cod. reg. 5993. fol. 69. v° :
Ego ad dictum et arbitrium ipsius comitis saisirem feodum hominis mei, qui extiterat in auxilium Erardi vel coadjutorum suorum ; .... et ille homo meus esset in Fuga mea, ita quod, si possem, bona fide ego eum caperem et tenerem, nec ipsum liberarem, nisi per voluntatem comitissæ.
Vide infra Fugare 1.
© École des chartes.
[]« 3 fuga » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 622b. http://ducange.enc.sorbonne.fr/FUGA3
3. FUGA, Refugium, azylum. Vita S. Glodesind. tom. 6. Jul. pag. 204. col. 1 :
Ad urbem Mettensium in ecclesiam sancti protomartyris Stephani profugit, et confessionem, ubi ejusdem martyris ac ceterorum innumerabilium sanctorum reliquiæ conditæ erant, collocavit pro Fuga, non pro commisso scelere, sed ne scelus committeret.
Nostris Se Fuir, in aliquem locum confugere, vulgo se refugier, Pactum inter Carol. comit. et capitul. Carnot. ann. 1306 :
Jureront les chanoines.... que nul malfaiteur, qui se Fuiroit esdites mesons, ne recevront à garantie. Fuiter
vero In fugam conjicere, apud Christ. Pisan. in Carolo V. part. 2. cap. 24. tom. 3. Dissert. D. Le Beuf pag. 206 :
Si fu pris Thomas de Grançon et jusques à quatrevingts autres groz prisonniers, et le surplus mors et Fuitez.
Unde emendandus[] Marten. tom. 5. Ampl. Collect. col. 598. ubi Fuce, pro Fuie, fuga. Fuir, eadem acceptione, in Poem. de Cléomades Ms. :
Les Fuirs, ne les encauchiers,
Les retours, ne les ralijers, etc.
© École des chartes.
[]« 4 fuga » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 622c. http://ducange.enc.sorbonne.fr/FUGA4
4. FUGA, vulgo Fuye, Columbarii genus, Locus in quem columbi confugiunt, unde nomen. Arest. parlam. Paris. ann. 1536. ex Tabul. de Chissé :
Hospitium dicti Aigremont totum in circuitu clausum, unam Fugam in medio curtis, etc.
In Instr. ann. 1538. ibid. :
Le logis dudit Aigremont fermé à l'entour, une Fuye au meillieu de la court.
© École des chartes.