« »
 
[]« Fumagium » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 625b. http://ducange.enc.sorbonne.fr/FUMAGIUM
FUMAGIUM, Lignum ad fumum seu focum necessarium. Charta ann. 5. Edwardi IV. Reg. Angl. apud Th. Blount in Nomolex. Anglic. :
Et sint quieti de Fumagio et maremio cariando, etc.
Vide Fumus.
Fumagium, Idem forte quod Foagium, ϰαπνιϰόν, Joan. Zonaræ, Scylitzæ, et aliis, Census pro singulis focis exactus, Fumage apud Gallandum. Charta Radulphi Abbatis S. Melani ann. 1123. apud Augustin. du Pas in Stemmate Pentevriensi pag. 12 :
Donavit... pro animæ suæ redemptione 20. solidos de Fumagio Minguenpensi per singulos annos.
Computus ann. 1202. apud D. Brussel de Feudorum usu tom. 2. ad calcem pag. clxxxiii :
Item Fr' Ham' pro censu Compendii ix. l. xii. s. et pro Fumagio Compendii[] c. s.
Charta anni 1219. ex Archivo S. Jacuti :
Guido de Argenton dominus Placoidi. Cum contentio verteretur inter Abbatem et Conventum S. Jacuti et me super avenagio, gallinagio, Fumagio, etc. in territorio de Plancoit.
Chartularium SS. Trinit. Cadom. fol. 21 :
In Carpichet habemus xii. vilanos et dimidium ; quisque eorum reddit... xx. ova ad Pascha, ii. denarios de Fumagio, de unoquoque porcorum suorum 1. denarium.
Et fol. 61 :
Debent 1. acram araturæ et herciaturæ et precarias et xii. Andegavenses de leignagio, et ii. denarios de Fumagio, etc.
P. Carpentier, 1766.
◊ Illud nempe a Fumario seu camino ; hoc a foco nuncupatum. Fumage, nostris. Pactum inter Rob. comit. Droc. advocatum monast. S. Valer. et relig. ejusd. ann. 1321. in Reg. 61. Chartoph. reg. ch. 290 :
Disons que les avoueries, li Fumaige, etc.
© École des chartes.