◊ Nihil commune habent Ferrum et hastilia cum Gaid vel Gisele. Duo sunt articuli prorsus distinguendi. Ferrum et hastile ejusdem notionis esse palam est. Gaid, ut existimo, idem est qui Fidejussor, et Gisele, certo idem qui Testis. Leges Rotharis cap. 225. apud Murator. tom. 1. part. 2. pag. 34. col. 1 :

Si quis servum suum proprium... dimittere voluerit tradat eum prius in manum alterius hominis liberi, et per garantix ipsum confirmet, et ille secundus tradat eum in manu tertii hominis eodem modo, et tertius tradat eum in quarti, et ipse quartus ducat eum in quadrivium, et thingat in Guadia (hoc est, si bene conjecto, Tradat in manus fidejussorum) et Gisiles testes ibi sint, et dicant sic : De quatuor viis ubi volueris ambulare liberam habeas potestatem.

Adnotat doctissimus Editor in Cod. Esten. scriptum esse :

Et thinget in Guida ad Gisel, et sic dicat : De quatuor, etc.

In Cod. vero Cathedr. Mutin. :

Et thinget in Gaida et Gisal, et sic dicat, etc.

Nihil necesse est moneam Glossatorem Pithœanum ad has Leges aliasve similes attendisse, et ipsi Gaid idem fuisse, quod hic Gaida vel Guadia, et Gisele idem quod Gisiles, Gisel vel Gisal. Vide Gisiles et Vadium. Glossar. Longobard. in cod. Vatican. : Gaida et giseleum, ferrum, hastula sagipte. Gaida, cartula. Glossar. Cavense : Gisigisili i. e. liberi homines. Gaida, i. e. casindios. Infra :

Thinga in Gaida, i. e. Donare in publico.

Paul. Diacon. lib. 1. cap. 13 :

Plures a servili jugo ad libertatis statum perducunt, utque rata eorum haberi posset libertas, sanciunt more solito per sagittam, immurmurantes nihilominus ob rei firmitatem quædam patria verba.

Vide Grimm. Antiq. Jur. Germ. pag. 162. 332.