« »
 
GENICULUM 1, GENICULUM 2, GENICULUM 3, GENUCULUM 1, GENUCULUM 2.
[]« 1 geniculum » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 055a. http://ducange.enc.sorbonne.fr/GENICULUM1
1. GENICULUM, Idem quod Genesis. Ordericus[] Vital. lib. 9. pag. 738 :
Colligebat etiam multa de constellationibus mulier sortilega, et Geniculorum multarumque disciplinarum conscia.
Vide Genu et Genuculum.
© École des chartes.
[]« 2 geniculum » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 055b. http://ducange.enc.sorbonne.fr/GENICULUM2
2. GENICULUM, in Leg. Salica tit. 47. § 3. edit. Eccardi, pro Genuculum. Vide in hac voce num. 2.
© École des chartes.
[]« 3 geniculum » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 055b. http://ducange.enc.sorbonne.fr/GENICULUM3
3. GENICULUM, Vita S. Aichardi tom. 5. Sept. pag. 86. col. 2 :
Erat itaque infans decennalis, quando resedit in scolari, primo Geniculo.
Id est, ut notant docti Editores, in primis scholarum rudimentis.
© École des chartes.
[]« 1 genuculum » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 057b. http://ducange.enc.sorbonne.fr/GENUCULUM1
1. GENUCULUM et Geniculum, diminutivum a Genu, unde nostrum Genouil. Gl. Lat. Gr. : Genucula, γόνατα. Indumenta super Genucula elevare, in Lege Bajwar. tit. 7. cap. 4. Lex Frision. tit. 22. § 60 :
Si tibia subtus Genuculo media incisa fuerit, etc.
Gregorius Turon. lib. 2. Hist. cap. 37 :
Percussus in Geniculo claudicabat.
Rodulphus Tortarius Floriacensis lib. 4. de Miracul. S. Benedicti :
Credulus his dictis sese trahit ille Genuclis.
De Geniculis adorare, orare, γονυπετεῖν. Tertullianus lib. de Corona militis :
Die Dominica nefas ducimus de Geniculis orare, eademque immunitate a die Paschæ in Pentecosten usque gaudemus.
Utitur et S. Hieronymus adversus Luciferianos cap. 4. MS :
A Genollons s'est devant les Seins mis.
Hinc
Geniculationes, apud eumdem Tertullianum ad Scapulam : γονυϰλισίαι, in Nomocanone edito a Joan. Bapt. Cotelerio can. 36. 39. 290. Geniculare, Genua inclinare, flectere. Glossæ antiquæ : Geniculare, adorare. Geniculat, Genibus flexis adorat. Ita etiam Papias. Glossæ aliæ MSS. : Geniculo, genua flecto. S. Augustinus :
Qualis est magnitudinis supernæ gloria, ad cujus pannos Angeli excubant, Reges trepidant, vel tripudiant, sidera obsecundant, et sectatores sapientiæ Geniculant.
Gloss. Lat. Gr. : Genuclat, γονατίζει. Genouiller, Littletoni sect. 85. Ingeniculare, apud Lamprid. in Heliogabalo et Vitruv. lib. 9. cap. 6. In Kalendario Maronitarum apud Allatium in Symmictis pag. 301. observat Gabriel Sionita, Genuum positionem appellari pœnitentiæ causa, ducentas, trecentas, ac plures factas genuflexiones publicas : ita ut flexis genibus, et exosculati terram, illico resurgant. Vide Metanœa, Venia, Genuflexum.
Geniculariter, Genibus flexis, apud Stephanum Tornacensem Epist. 231.
© École des chartes.
[]« 2 genuculum » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 057b. http://ducange.enc.sorbonne.fr/GENUCULUM2
2. GENUCULUM, et Geniculum, Idem quod Genu 1. Gradus generationis. Lex Salica tit. 46. § 10 :
Usque ad sextum Genuculum.
Lex Rip. tit. 56. § 3 :
Usque quintum Geniculum.
Vetus Charta exarata Conrado imperante, apud Ughellum in Taurinensib. Episcopis :
Et sic fiat quousque nobis propinqui usque quinto apparuerint Geniculo.
Lex Longob. lib. 2. tit. 14. § 1. Roth. 153. :
Omnis parentela usque in septimum Genuculum numeretur.
Ubi vetus Interpres[]  :
Geniculum ponitur hic pro generatione : et duæ generatæ personæ faciunt generationem, sive Geniculum, verbo Francorum, qui hoc modo dicunt : Mun cusin de ter Genuclu.
Occurrit præterea in Legibus Canuti cap. 7. et Henrici I. cap. 70. apud Bonifacium Moguntinum Ep. 1. ad Zachariam PP. cap. 5. Burchardum lib. 7. cap. 9. in Concilio Ænhamensi ann. 1109. cap. 8. in Charta Conradi Imp. apud Augustinum de la Chieza in Hist. Pedemont. cap. 20. in lib. 1. Feudor. tit. 1. § 4. etc. Ita Genouil eadem notione usurpavit vetus Consuetudo Normanniæ MS. 1. part. sect. 3. cap. 27. ubi de Paragiis :
Les puisnés seront tenus à fere fealté à leurs ainznés, ou à leur successeurs, quant le lignage sera alé et descendu siques au sisime Genouil.
Ibidem :
Et si de non savoir que le lignage s'estent desiques au nouviesme Genouil ou degré.
Geniculum, pro quovis gradu, in Vita S. Aicadri Abbatis Gemeticensis cap. 2 :
Erat itaque infans decennalis, quando reselit in scholari primo Geniculo, i.
in primis Scholarum rudimentis.
© École des chartes.