« »
 
GLADIUS 1, GLADIUS 2, GLADIUS 3, GLADIUS 4.
[]« 1 gladius » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 074c. http://ducange.enc.sorbonne.fr/GLADIUS1
1. GLADIUS, pro sexu virili, ut Fusus, pro muliebri. Schedæ MSS. :
Colus est instrumentum filandi, et appellatur a rusticis Gladius mulieris.
Speculum Saxonicum lib. 1. art. 45. § 1 :
Et in progeniæ æqualis et proximior agnatus ex parte Gladii tutor ejus erit.
Lib. 3. art. 15. § 3 :
Qui expeditorias res, hoc est, arma bellica, postulet, agnatus ex parte Gladii esse debet : ad utensilia vero seu geradam, cognatus, id est, ex parte fusi seu mulieris duntaxat admittitur.
Vide Fusus.
© École des chartes.
[]« 2 gladius » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 074c. http://ducange.enc.sorbonne.fr/GLADIUS2
2. GLADIUS, Jus gladii, merum imperium. Charta Roberti Ducis Normanniæ, filii Richardi, in Regesto Norman. sign. P. in Camera Comput. Parisiens. :
Habens tantum in donis et liberationibus reguardi et panagii, quantum unus ex magistris reguartoribus et panagatoribus meis per totam Normanniam et bustorum [] meorum ad justitiam Gladii mei pertinentium.
Antiquæ Schedæ apud Camdenum in Britannia :
Comitatus Flint pertinet ad Gladium Cestriæ.
Charta Henrici VI. Regis Angl. apud Seldenum de Titulis honorar. pag. 640 :
Curiam suam liberam de omnibus placitis et querelis in Curia Comitis motis, exceptis placitis ad Gladium ejus pertinentibus.
In veteri Charta Hugo de Abrincis dicitur Comitatum Cestrensem possedisse
adeo liberum ad Gladium, sicut ipse Rex totam tenebat Angliam
. Inde fortean Comites in Anglia cum inaugurabantur, accingebantur Gladio, veluti jurisdictionis suæ symbolo. Matth. Paris ann. 1188. de Hugoni du Puiset Dunelmensi Episc. Northumbrensi Comite creato :
Qui a Rege Gladio Comitatus accinctus, nomen sibi Comitis usurpavit : quo Gladio accincto, Rex cum cachinno astantibus dixit : Juvenem feci Comitem de Episcopo veterano.
Matthæus Westmonaster. ann. 1227 :
Quo etiam anno Nonis Februar. Hubertus, Angliæ Justitiarius, Gladio accinctus est a Rege Comitatus Cantiæ.
Rogerus Hoveden. pag. 739 :
Eodem die Coronationis Rex accinxit Willelmum Marescallum Gladio Comitatus de Striguil, et Gaufridum filium Petri, Gladio Comitatus de Essex ; qui licet antea vocati essent Comites, et administrationem suorum Comitatuum habuissent, tamen non erant accincti Gladio Comitatus : et ipsi illa die servierunt ad mensam Regis accincti Gladiis.
Capitolinus in Gordiano :
Filiusque Legatus Patris,... Gladii potestate succinctus est.
Lampridius in Alexandro Severo :
Honores juris Gladii nunquam vendi passus est, dicens : Necesse est, ut qui emit, vendat.
Statius lib. 5. Silv. 2 :
Felix qui magno jam nunc sub Præside juras,
Cuique sacer primum tradit Germanicus Ensem.
Adde Firmicum lib. 5. Matth. cap. 5. S. Augustin. Epist. 61. præter JC. Vide Placitum Spathæ. * Hinc
P. Carpentier, 1766.
Gladius Sanguinolentus, in Charta Frider. II. imper. ann. 1214. tom. 4. Cod. Ital. diplom. col. 1651 :
Nos attendentes fidem et devotionem et obsequia multa, quæ Aquilejensis ecclesia, et specialiter princeps noster Wolcherus ejusdem ecclesiæ patriarcha nobis et imperio laudabiliter exhibuit,... ducatum et comitatum Forojulii,... cum omnibus ad ducatum et comitatum pertinentibus, placitis, collectis, fodro, sanguinolento Gladio... confirmamus.
Vide Sanguis.
P. Carpentier, 1766.
Gladius Spiritualis, Jurisdictio ecclesiastica. Reg. actor. capit. eccl. Lugdun. in Cam. Comput. Paris. ad ann. 1337. fol 23. v°. :
Constituerunt judices Gladii spiritualis et claustri Lugdunensis dominos Guillelmum de Cheneluco custodem et Guillelmum de Thureio canonicos.
Gladii Deditio, seu positio. Libellus de fundatione Monasterii Bigaugiensis pag. 256 :
Consuluerunt illi, ut religionis habitum susciperet : qui promtus obediens, in præsentia eorum Deditione Gladii, tam militaria omnia, quam sæcularia abdicavit.
Vide Cæsarium Heisterb. lib. 1. cap. 37.
© École des chartes.
[]« 3 gladius » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 075a. http://ducange.enc.sorbonne.fr/GLADIUS3
3. GLADIUS, Mors. Isidorus Pacensis Episcopus æra 749 :
A Toleto fugam arripientem Gladio patibuli jugulat, etc.
© École des chartes.
[]« 4 gladius » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 075a. http://ducange.enc.sorbonne.fr/GLADIUS4
4. GLADIUS, Lamina gladii vel cultelli, Gall. Lame. Lit. remiss. ann. 1352. in Reg. 81. Chartoph. reg. ch. 293 :
Prohibitum extiterat ne quis portare præsumeret... armaturas aliquas vel cultellum, [] cujus alumella sive Gladius esset longior uno pede.
P. Carpentier, 1766.
Gladius Cathalanaticus, vulgo Epée de Catalogne, olim in pretio. Lit. remiss. ann. 1395. in Reg. 148. Chartoph. reg. ch. 99 :
Causa suæ defensionis evaginavit Gladium suum Cathalanaticum. Espée à hault taillier,
Major gladius, vulgo Espadon, in Testam. Th. de Failly ann. 1473. ex Bibl. reg. Espée batue, cujus usus est in pugnis ludicris. Aliæ Lit. ann. 1382. in Reg. 122. ch. 117 :
En eulx esbatant lesdiz Lucas et Brulé sachierent deux espées batues qu'il avoient, dont l'en jouoit au bouclier.
Vide supra Ensis. Ecclesiam ingredientes gladium deponebant. Lit. remiss. ann. 1401. in Reg. 156. Chartoph. reg. ch. 401 :
Après ce que le suppliant ot mis son cheval en l'estable chiez le secretain dudit lieu, il vint à ycelle église, et laissa son espée en garde à un homme, nommé Bertaut, à l'entrée de ladite église.
P. Carpentier, 1766.
◊ Gladium per mucronem tenere, signum erat deditionis in arbitratum victoris, ut colligitur ex Poem. Alex. Ms. part. 2.
Douze furent par conte, chascun au poin tenoit
S'espée par la pointe, que bien senefioit
Miséricorde ou mort, ou il s'umelioit.
© École des chartes.