GUIMAGIUM, Guinagium, ut Guionagium, Vectigal pro securo transitu vel mercium exportatione. Vide in Guida. Charta Rob. episc. Clarom. ann. 1226. in Chartul. S. Mart. Augustod. :

Abbas et conventus retinuerunt sibi..... furnum cum molendinis, pratum suum, Guimagium cum portagio.

Alia Bald. comit. Hann. ann. 1147. in Chartul. Clarifont. ch. 16 :

Ut si quid in nobis subjecta regione ad usus ecclesiæ vendiderint, sive emerint, vel etiam mutuaverint, a persolvenda omnimoda exactione Guinagii sive thelonei liberi et immunes permaneant.

Alia Radul. comit. Suess. ann. 1183. ex Chartul. monast. S. Corn. Compend. fol. 223. r°. col. 1 :

Statuimus... ne præfata ecclesia pro hiis quæ ad victum suum, sive per aquam, sive extra aquam in toto comitatu Suessionensi duci fecerit, Guinagium, vel aliquam exactionem de cætero solvat.