HALSFANG, Healfang, Helfeng, Halfang, Hanlffange, Collistrigium, vulgo Pilorium, a Saxon. Hals, id est, collum, et fangen, comprehendere. Supplicii machina, quæ rei collum e pegmate sublati, inter duas tabulas comprehendit, populoque ad ignominiam exponit. Dicitur et ipsa mulcta pecuniaria in commutationem hujusmodi pœnæ Regi vel domino exsolvi solita. Leges Henrici I. Regis Angl. cap. 11 :

Qui falsum testimonium dicet,... reddat Regi vel terræ domino Helfeng.

Infra :

Si liber festis diebus operetur, emendet suum Helfeng.

Ita in Legibus Canuti § 57. 67. et Edmundi § 7. In Legibus Henrici cap. 76. scribitur Halfang et Hanlffange, ubi dicitur esse verbum Anglicum, quod sonat apprehensionem colli. Adde cap. 14. et 90. Vide Collistrigium, Pilorium.