HEERESTRETE, Herestrete, Viæ regiæ, seu militares, uti appellantur ab Eumenio in gratiarum act. sect. 7. et aliis, ab Here, exercitus, et Strete, seu Strata, via. Leges Henrici I. Regis Angl. cap. 10 :

Omnes Herestrete omnino Regis sunt, et omnia gwalstowna eis,

id est, non modo viæ ipsæ, sed et delictorum, quæ in viis regiis committuntur, cognitio Regis sunt. Consuetudines Furnenses ex Archivo Audomar. :

Si quis rapinam fecerit aut in via aut in Heerstrata super mercatores vel quoscumque alios et in hoc maleficio captus fuerit suspendetur.