« »
 
ERCHIA, HERCHIA, HERCIA 1, HERCIA 2.
[]« Erchia » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 3, col. 287a. http://ducange.enc.sorbonne.fr/ERCHIA
ERCHIA, Candelabrum ecclesiasticum in modum occæ seu trigoni confectum, nostris Herce. Ordinar. Ms. S. Pet. Insul. ann. circ. 1400 :
Feria v. (hebdomadæ sanctæ) ad matutinum circa horam quintam vespertinam accenduntur viginti septem cerei super Erchiam positam super altare B. Mariæ in choro, qui per singulos psalmos in nocturnis et per singulas antiphonas, et ad 3. 6. et 9. responsoria, et antiphonas in Laudibus extinguntur ; ultimus vero cereus extinguitur[] cum incipitur antiphona ad
Benedictus. Vide Hercia 2.
© École des chartes.
[]« Herchia » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 191b. http://ducange.enc.sorbonne.fr/HERCHIA
HERCHIA. Vide in Hercia 2.
© École des chartes.
[]« 1 hercia » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 191b. http://ducange.enc.sorbonne.fr/HERCIA1
1. HERCIA, Occa, instrumentum rusticum, quo terræ proscissæ occantur, et teruntur, vulgo Herce : ex herpex, herpicis, quasi herpicia, et contracte, hercia. Fleta lib. 2. cap. 77 :
Carucas et Hercias reparare.
Adde cap. 84. Charta Petri Episcopi Meldensis ann. 1229. in Tabulario ejusdem Ecclesiæ pag. 36 :
Consuetudines nemoris... videlicet omnem arborem præter quercum et fagum.... ad ædificandum, et aratoria carrucarum, et ad charterios, et Hercias, et ad duas perticas ad ligandum quadrigas oneratas, etc.
Rodolphus Tortarius lib. 5. Miracul. S. Benedicti n. 12 :
Eum quem in hieme prosciderat gliscens rescindere campum, ut tam æstatis calore, quam hiemis[] rigore decoctus, et sementis tempore, dentata crate glebis attritis, in pulverem redactus, semine suscepto, abundantiorem diebus messis suo cultori exhiberet frugem.
Charta Philippi regis Franc. ann. 1310. ex 47. Regesto Tabularii Regii n. 36 :
Item il a ésdites fermes brebiage de tiers ans en tiers an, services de seonneeurs en Aoust, services de Herces et de charues, et la court, et leisage, qui sont prisiez ésdites fermes 40. sols.
les Bénédictins de St. Maur, 1733–1736.
Hercis, Eadem notione. Chartularium SS. Trinitatis Cadomens. fol. 46. v°. :
Hedricus xxx. den. et præter hæc hostia et Herces quæ pluris facio.
Et fol. 48 :
Godricus Mol. 40. denar. et unam Hercem et 4. gallinas.
P. Carpentier, 1766.
◊ Eodem nomine nuncupatur corvatæ species, qua vassalli tenentur dominorum terras occare. Charta Phil. Pulc. ann. 1306. in Lib. rub. Cam. Comput. Paris. fol. 494. v°. col. 2 :
Duas Hercias, unam ad tremesium et aliam ad yvernagium.
Alia ann. 1308. ibid. fol. 338. v°. col. 1 :
Derechief huit corvées de Hercier à un cheval.
Herceare, Herciare, Occare, Hercer. Concilium Rotomagense ann. 1096. apud Ordericum Vital. lib. 9. pag. 271 :
Equi arantes, et homines carrucas ducentes, et Herceatores, et equi, de quibus Herceant,... perpetua sint in pace.
Chartular. SS. Trinitat. Cadom. fol. 48 :
Et (debet) Herceare eas cum equo suo, et in quadram unam acram et Herceare eam.
W. Thorn ann. 1364 :
Herciare, sarculare, metere, etc.
Consuetudinarius Monasterii de Bello in Anglia :
Et debet invenire unum hominem cum uno equo ad Herciandum qualibet septimana ad unum diem ad utrumque semen hiemale et quadragesimale, dum aliquid fuerit ad Herciandum de terra domini, etc.
les Bénédictins de St. Maur, 1733–1736.
Hercer, Herchare, Eadem notione. Charta ann. 1181. ex Archivo Eccles. Dolensis :
Vidit Baldricum Archiepiscopum sedentem super campum et facientem terram arari et Hercer cum suo palefrido.
Polyptychus Fiscamnensis ann. 1235 :
Et debet dimidiam acram aratare ad hiemalia et dimidiam acram ad tremeis, et serere et Herchare de blado domini Abbatis.
les Bénédictins de St. Maur, 1733–1736.
Herchatura, Occatio, Gall. Hersage. Chartularium SS. Trinitatis Cadom. :
Omnes isti faciunt precarias bis in anno de aratura et Herchatura, et vadunt ad fena.
© École des chartes.
[]« 2 hercia » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 4, col. 191c. http://ducange.enc.sorbonne.fr/HERCIA2
2. HERCIA, Candelabrum Ecclesiasticum in modum occæ, seu trigoni, confectum, nostris Herce. Bernardus Mon. in Consuetud. Cluniac. MS. cap. 77 :
Pallia super altare non ponuntur, et Hercia non illuminatur.
Charta Odonis Episcopi Parisiens. ann. 1198 :
Luminaria Herciarum.
Apud Will. Thorn pag. 2152 :
In primis pauperibus die sepulturæ, et die mensis, et pro corpore ficto, cum Hersia.
Ubi corpus fictum, est tumba cenotaphii, seu cenotaphium ipsum : Hersia vero, candelabrum in Herciæ modum confectum, luminibus variis instructum, quod ad cenotaphii caput erigi solet. Id aperte docet Testamentum Richardi II. Regis Angliæ apud Rymer. tom. 8. pag. 75 :
Cujus quidem sepulturæ seu funeris nostri exequias more regio volumus celebrari ; ita quod pro prædictis exequiis, iv. Herciæ excellentiæ convenientes regali, pro eodem funere nostro honestius exequendo, in locis subscriptis, per executores nostros præparentur.
Errat ergo Somnerus qui Hersiam hoc loco ipsum cenotaphium intelligi vult, quod Angli a Hearse vocant, ab ipsa Hercia i. partem pro toto. Nam quod a Saxonico vocis [] etymon accersit, nihili, opinor, est. Vide Monasticum Anglic. tom. 3. pag. 332.
P. Carpentier, 1766.
◊ Obituar. Ms. eccl. Camerac. fol. 6. v° :
Ornantur luminari quinque Herciæ sivæ coronæ, prout fit in aliis solemnitatibus B. Virginis.
les Bénédictins de St. Maur, 1733–1736.
Herchia, Eadem notione. Spicileg. Fontanell. MS. pag. 394 :
Feria quinta Parasceve et feria sexta et sabbato Herchia debet esse ad dextrum cornu magni altaris, et ibi debent esse 26. cerei illuminati ad matutinas, et inde extingui a famulo sacriste unus post alium ad quemlibet psalmum et lectionem, videlicet sex in 1. Noct. sex in 2. et sex in 3.
Statuta antiqua Capituli Senon. :
Item in utroque festo S. Stephani debet centum cereos pro una Herchia.
Ordinarium Lexoviense MS. :
In prima nocte Tenebrarum et duabus sequentibus accenditur luminare sicut in festo novem lectionum et ultra habentur viginti quinque cerei in Herchia super altare majus.
les Bénédictins de St. Maur, 1733–1736.
Hercium, in Testamento Johannis de Nevill ann. 1386. apud Madox Formul. Anglic. pag. 429 :
Volo quod xxiv. torches et v. tapers, quolibet taper pondere x. librarum, præparentur pro sepultura mea, absque ullo alio Hercio.
les Bénédictins de St. Maur, 1733–1736.
Hertium, apud Bernardum part. 2. Ord. Cluniac. cap. 25 :
Tria pallia super altare non ponuntur, et Hercia non illuminantur.
Erza, Eadem notione. Statuta Cluniacensia S. Petri Venerab. Abbatis Cluniac. cap. 52 :
In reliquis vero festivitatibus quibus accendi solebat machina illa ferrea, quæ vulgo Erza vocatur, pro illa lampadibus vitreis illustretur.
Heia, videtur simili perinde significatu sumi, (nisi hercia legendum sit) in Synodo Exoniensi ann. 1287. cap. 12 :
Vas ad aquam benedictam, Heia ad Tenebras, candelabrum Paschale, etc.
© École des chartes.