2. HUCHA, Ucha, Auctio, hasta publica, bannum, proclamatio et ipse præco qui proclamat. Libert. castri de Manso SS. Puellar. ann. 1327. in Reg. 65. Chartoph. reg. ch. 32 :

Item supplicant dicti consules, quod cum institutio et destitutio inquantatorum seu Uchæ castri de Manso prædicto ex usu longissimo ad ipsos pertineat, ut concedatur eis prædicta arrendatio, et quod emolumentum, quod provenire poterit utilitati dictæ universitatis imposterum applicetur dictis consulibus ex prædictis Ucha et inquantu.

Aliæ ann. 1328. in Reg. 66. ch. 77 :

Cum institutio et destitutio incantatorum seu Huchæ castri... ad ipsos (consules) pertineat, ut concedatur eis prædicta arrendare,... et ex prædictis Ucha et incantu dictum emolumentum in utilitate universitatis dictæ villæ convertendum.

Hinc Ucage, pro Tributo, quod ex ejusmodi Uchis percipitur. Redit. comitat. Namurc. ann. 1265. in Reg. Cam. Comput. Insul. sign. Papier velu fol. 6. v°. :

Namur.... Et si a li cuens le Ucage et le pesiel et le menus cens.

Et in Reg. ejusd. Cam. sign. Le Papier aux aysselles ann. 1289. fol. 73. r° :

Encor i a (a Namur) li cuens le Ucaige, ki vat par an xxiij. livres et xix. sols.

Vide in Incantare 2.