2. INTRATA, Quivis redditus, Italis etiam Intrata. Statuta Massil. lib. 1. cap. 1. § 1 :

Itemque omnes redditus et obventiones, et Intratas et res, et procassia et aventuras ad dictam Civitatem.... pertinentes... tradi faciet Clavariis Communis.

Statuta Modoetiæ laudata tom. 1. SS. Junii pag. 770 :

Magister et Canevarius dicti hospitalis teneantur et debeant facere rationem singulis mensibus dictis Advocatis de Intrata et expensis factis de bonis dicti hospitali ipso mense.

Transactio inter Carolum I. Comitem Provinciæ et Fr. Feraudum de Barrassio Commendatorem Hospitalis S. Johannis Hierosol. ann. 1262. ex Schedis Præsidis de Mazaugues :

Remittit dictum hospitale omnes fructus, obventiones et Intratas, quos et quas de prædictis affaribus D. Comes habuit et recepit.

Edictum Philippi Franc. Reg. ann. 1314. apud de Lauriere tom. 2. Ordinat. Reg. pag. 22 :

Item quod de rebus feudalibus per nobiles ad lucrandum, seu perpetuam enphyteusim personis innobilibus concessis, licet nobiles ipsi certum quid inde habuerint pro accapito, seu Intrata et censum, seu certam redhibentiam sibi retinuerint in eisdem.

Vide Introitus 3.