« »
 
LIGAMEN 1, LIGAMEN 2, LIGAMEN 3.
[]« 1 ligamen » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 102c. http://ducange.enc.sorbonne.fr/LIGAMEN1
1. LIGAMEN. Charta Rudolfi Imp. ann. 1276. in Metropoli Salisburgensi tom. 1. pag. 392 : ...
Fuerint in quieta et pacifica possessione seu quasi, juris recipiendi mutam seu theolonium in Obernperge a transeuntibus navibus in fluvio qui Enus in vulgari nomine dicitur, sal et alia mercimonia deferentibus, de talento quolibet majoris Ligaminis scilicet 13. solidos longos, et 10. denarios usualis monetæ Pataviensis, etc
. Alia ann. 1298. ibid. tom. 2. pag. 34 :
Quod quilibet Abbas ejusdem Monasterii, qui pro tempore fuerit tria talenta majoris Ligaminis, et duodecim minoris salium semel in anno, quocunque tempore voluerit, deducere valeat,... absque exactione cujuslibet thelonei sive mutæ, etc.
Charta Ottonis et Stephani Ducum Bavariæ ann. 1302. ibidem pag. 573 :
Nos sub ejusdem tenoris gratia 60. cuppas salis majoris Ligaminis pro domo ipsorum, quod vulgariter Mussalz dicitur, specificantes semel tantum in anno ipsis deducere libere indulgemus.
Adde paginas 569. 572. 573. Privilegium ann. 1249. apud Ludewig. tom. 4. pag. 44 :
Nos Hermannus Dei gratia Dux Austrie... hujus scripti testimonio scire volumus universos, quod Abbati et Conventui in Zweil indulsimus de gratia speciali, ut duo talenta salis majoris Ligaminis transducant in Danubio per terre nostre districtum.
Similia leguntur in Privilegio Alberti Ducis Austriæ ann. 1286. ibidem pag. 266. et in alio Henrici et Ottonis Comitum Palatinorum ann. 1328. ibid. pag. 167. Angelus Rumplerus in Hist. Formbacensi, apud Pezium tom. 1. Anecd. part. 3. col. 434 :
Sed nec Duces Bavariæ nostri Monasterii immemores fuerunt : concesserunt nobis multa et potissimum libertatem salis... Nam cum [] primo quatuor Ligamina majora salis tradidissent, tum duo addiderunt. Sic et de minori Ligamine censendum est.
An saccus in quo certa quantitas salis, quique duplex fuerit, major et minor ? Vide Ligatura.
P. Carpentier, 1766.
◊ Quid hic per Majus ligamen intelligendum est, explicat Charta Berth. episc. Patav. ann. 1252. apud Pez. tom. 6. Anecd. part. 2. pag. 101. col. 1 :
Concessimus ut in omni possessionis nostræ loco, naves duo talenta salis de Ligamine, quod schonsband dicitur, deferentes singulis annis per Danubium descendentes, ab omni exactione sint liberæ.
Est autem Germanis Schœn, pulcher, eximius, et Band, vinculum, ligamen.
Talenta salis majoris Ligaminis, sicut reponi in navibus consueverunt
, in Ch. Henr. ducis Bavar. ann. 1285. ibid. pag. 140. col. 1.
© École des chartes.
[]« 2 ligamen » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 103a. http://ducange.enc.sorbonne.fr/LIGAMEN2
2. LIGAMEN, Detentio, inclusio in custodia. Tituli 35. Pactus Legis Salicæ, et 41. Legis Ripuariorum inscribuntur, De Ligaminibus ingenuorum : quod sic exprimitur in Lege Salica eod. tit. 35 :
De eo qui hominem ingenuum sine causa Ligaverit.
Quo in titulo verbum Ligare bis terve sumitur pro Comprehendere, seu manum in aliquem injicere.
© École des chartes.
[]« 3 ligamen » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 103a. http://ducange.enc.sorbonne.fr/LIGAMEN3
3. LIGAMEN, Sacramentum fidelitatis, quo vassallus domino suo alligatur, ut mox Ligascia. Lit. Eduard. I. reg. Angl. in Chron. Th. Otterboune edit. Hearn. pag. 102 :
Facient regi Angliæ homagium et fidelitatem et Ligamen, ut legio domino, contra omnes homines. Liget,
eodem sensu, in Charta ann. 1348. ex Chartul. Godefr. dom. Asperim. fol. 25. v° :
Comme nous aiens entendu qu'il est à present escheus à releveir..... uns fiefs tenus dou chastel de Lievraing,... et que li hoirs et estanchies doudit fief a refuseit et débatu à délivrer Liget pour le cause doudit fiés à noble home no chier et bien amei mons. Aubert Turk chevalier, etc.
Vide Ligantia in Ligius.
© École des chartes.