1. LUTER. S. Eucherius :

Luteres, in Regnorum, conchæ, vel canthari aquarii.

Papias : Luteres in Regnorum libro, Conchæ vel canthari aquarum dicuntur. Idem Papias : Luter, Vas æneum 40. batos capiens, a luendo dictus. Ugutio : Luter etiam dicitur lavatorium et quodcumque vas purgandis sordibus deputatum. Gloss. Lat. Gall. Sangerman. : Luter, un vase ou lavoir. Johanni de Janua, ut et Willel. Britoni in Vocab. dicitur Concha, vel cantharus. Sic etiam ferme Gl. Lat. MS. Reg. Cod. 1013. ex Græco λουτὴρ, quo vocabulo baptisterium intelligit Anonymus in Descript. S. Sophiæ. Hist. Miscella in Rhinotmeto ann. 10 :

Multitudo vero civitatis tumultuata ad Luterem Ecclesiæ congregata est.

Ubi Theophanes λουτῆρα habet. S. Hieronymus adv. Jovinianum :

Luter in tabernaculo funditur.

Vide Reg. 3. cap. 7. et lib. 4. cap. 16.

2. LUTER, Lutra, Animal amphibium, quod ϰύνα ποτάμιον vocant Ælianus et Aetius : Galli Loutre. Walafridus Strabus lib. 1. de Vita S. Galli cap. 28 :

Viderunt piscem magnum in aquæ collectione natantem, duosque illum insequi Lutros, etc.

Lutra, Plinio, et aliis. Beda in Vita S. Cuthberti Episc. n. 18 :

Venere de profundo maris quadrupeda, quæ vulgo Lutræ vocantur.

Epist. 89. inter eas, quæ sub Bonifacii Archiep. Moguntini nomine editæ sunt :

Gunnam de pellibus Lutrarum tuæ fraternitati misi.

Occurrit etiam apud Fridericum lib. 1. de Arte venandi cap. 7. Vide Fullerum lib. Miscell. sacror. cap. 18. et Brunsfeldium in voce Fiber. Erminium et Lutria, in Constitutionibus Catalaniæ laudatis in Cultellare. Roccus martrinus et Lutrinus, in Capitulari ann. 808. cap. 5. Vita Caroli M. :

Ex pellibus Lutrinis thorace confecto humeros ac pectus hieme muniebat. Loutriers

dicti in Consuetud. Hannon. cap. 100. qui lutras venantur.