MACATURA, Livor, contusio, Hisp. Macado, Gall. Meurtrissure ; Coup machat supra in Ictus ; quod Macha seu clava maxime fiat, sic fortassis dicta. Lit. remiss. ann. 1334. in Reg. 69. Chartoph. reg. ch. 236 :

Item probare intendit dictus Alquerius... quod (Petrus) in fine suo et post finem corpus suum seu cadaver erat et fuit et apparuit omnibus qui viderunt, palpaverunt et tenuerunt absque aliquo vulnere et absque aliquo ictu, truncatura, vel Macatura, vel læsura.

Stat. castri Renaldi lib. 2. cap. 42. v° :

Si vero non exiverit sanguis et fecerit lividum vel Macaturam, puniatur in soldis quinquaginta.

Macheure, eodem sensu, in Lit. remiss. ann. 1472. ex Reg. 197. ch. 260 :

Il n'y eut point de sang espandu, mais seulement Macheure.

Machure ex Consuet. Nivern. in Maceratura. Vide S. Rosa de Viterbo Elucidar. tom. 2. pag. 100. voce Maçaduras. Acad. Matrit. Mazada, Clavæ ictus, unde scribendum videtur Maçatura in locis supra allatis.