MAIUS, Arbor Maialis, seu, quæ primo die Maii mensis, quo tempore virescere incipiunt arbores, erigi solet in compitis, vel ad ædes Magnatum, nostris May. Charta Ingelranni Codiciacensis pro Libertatibus oppidi Faræ ann. 1207. art. 14 :

Si vero homines Pacis, sive feminæ, die Maii quærere ierint ad aliquod nemus in meo dominio, de bosco afferre poterunt sine forisfacto.

Tabular. S. Germani Paris. ann. 1270 :

Homines de Casteneto se abstinebunt eundi 1. die mensis Maii in nemora religiosorum pro Maio ibidem colligendo.

Vide Dendrophori.