« »
 
MALEFICIUM 1, MALEFICIUM 2, MALEFICIUM 3, MALEFICUS.
[]« 1 maleficium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 193c. http://ducange.enc.sorbonne.fr/MALEFICIUM1
1. MALEFICIUM, Idem quod Dangerium, damnum. Vide in his vocibus. Petrus Rex Aragonum in Constitutionibus Catalaniæ MSS. ann. 1200 :
Licitum sit cuilibet, ut si invenerit animalia aratoria, sive quælibet alia in suo Maleficio, quod vulgo dicitur Cala (aut Tala) ea liceat capere, et tandiu tenere, donec sibi sit cautum et satisfactum a dominis animalium.
Vide Talea. []
P. Carpentier, 1766.
◊ Stat. Raim. comit. Tolos. contra hæret. ann. 1233. in Reg. 30. Chartoph. reg. ch. 234 :
Item statuimus quod occulta et clandestina Maleficia de communitate civitatum, castrorum et villarum, in quibus seu in eorum tenementis fuerint perpetrata, de nocte vel de die, occulte, sive per incendium, sive per incisionem arborum aut vinearum, vel segetum, vel occisione animalium, vel effusionem liquidorum, vel dispersionem aridorum, aut alio modo, etc.
© École des chartes.
[]« 2 maleficium » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 194a. http://ducange.enc.sorbonne.fr/MALEFICIUM2
2. MALEFICIUM, Peccatum quodvis, malefactum. Charta Phil. Pulc. ann. 1306. in Lib. rub. Cam. Comput. Paris. fol. 509. r°. col. 2 :
De omnibus maleficiis, forifacturis seu delictis officialium seu ministrorum suorum... tenebuntur respondere.
© École des chartes.
[]« 3 maleficium » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 194a. http://ducange.enc.sorbonne.fr/MALEFICIUM3
3. MALEFICIUM, Idem quod Mahamium, membri mutilatio, vel enormis læsio. Charta ann. 1224. ex Tabul. capit. Carnot. :
Cum querela verteretur inter capitulum B. M. Carnotensis ex una parte, et Herveum dominum de Gualardun ex altera, super quibusdam injuriis et Maleficiis, quæ filii dicti Hervei intulerant hominibus ejusdem capituli, quorum filii dicti Hervei quemdam excæcaverant et pugno mutilaverant. Mesmontance,
eodem sensu, in Instr. ann. circ. 1385. apud Marten. tom. 1. Anecd. col. 1622 :
Item, s'il fust que chacun férist l'autre de poings, de bastons, ou de pierres, et tellement le maniast que doubte y seroit de corps, ou que telles Mesmontances à l'avis de la loy fussent si grans et si excessifs, que y auroit doubte de la mort ou vraisemblable, etc.
© École des chartes.
[]« Maleficus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 194a. http://ducange.enc.sorbonne.fr/MALEFICUS
MALEFICUS, Incantator, divinus, mathematicus, magus. S. Hieronym. in cap. 27. Hierem. :
Maleficos, quos vel veneficos possumus appellare, vel dæmonum phantasmatibus servientes.
S. Augustinus lib. 10. de Civit. Dei cap. 9 :
Qui quasi conantur ista discernere, et illicitis ritibus deditos alios damnabiles, quos et Maleficos vulgus appellat.
Lactantius lib. 7. cap. 17 :
Sed et eos Magi, et ii, quos vere Maleficos vulgus appellat, cum artes suas execrabiles exercent. Quos ob facinorum magnitudinem vulgus Maleficos appellat, et qui Malefici vulgi consuetudine nuncupantur,
in leg. 4. et 6. Cod. de Maleficis et Mathemat. (9, 18.) Adde Edictum Theoder. cap. 108. Leg. Salicam tit. 21. Ripuar. tit. 82. Leg. Longob. lib. 2. tit. 55. § 11. Roth. 371. Capitula Caroli M. lib. 1. cap. 21. Hieronym. in Daniel. cap. 2. etc.
Maleficium, Magorum ars, in leg. 9. d. tit. Cod. Th. (9, 16.) et leg. 1. Quorum appellat. eod. Cod. (11, 36.)
Maleficare, Incantare. Julius Africanus lib. 9. Hist. Apost. :
Ecce enim Maleficati ab eo Christianos se nunc dicunt.
De SS. Philemone et Apollonio tom. 1. Martii pag. 754 :
Qua de causa sponsum et decus civitatis nostræ Maleficaveris.
© École des chartes.