MEDLETA, Idem quod Melleta, Melleia, apud Bractonum lib. 3. tit. de Corona cap. 35. Culpa dicitur, inquit Spelmannus, quam quis inopinate commiserit non rixando solum et pugnando, sed immiscendo se pacifice rei cuivis vel negotio. Ranulphus de Glanvilla Tract. de Leg. Anglic. lib. 1. cap. 2 :

Ad Vicecomitem etiam pertinet per defectum dominorum cognoscere de Medletis, de verberibus, de plagis, etc.

Anglis etiamnum Medle, pro se immiscere rei alicui dicitur. Vide Mesleia.