MONAGIUM 1, Glossarium mediae et infimae latinitatis, Du Cange et al.

« 1 monagium » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 453c. http://ducange.enc.sorbonne.fr/MONAGIUM1

1. MONAGIUM, Idem quod Monetagium, id quod a vassallis domino præstatur, ut monetam mutare ei non liceat. Charta ann. 1192. apud Marten. tom. 1. Anecd. col. 649 :

Sint liberi et immunes per totam terram nostram.... absque venda, telonio... navagio, Monagio, biano, etc.

Statuta Eccles. Andegav. ann. 1294 :

Et nos qui a plurimorum relatu accepimus, quod nonnulli domini temporales civitatum, vel diœcesis Andegavensis, et eorum allocati qui et publicani dicuntur, eorum pedagia, vectigalia, Monagia et costumas colligentes, etc.

P. Carpentier, 1766.

◊ Nihil necesse est, cur ex locis supra laudatis eo sensu intelligatur vox Monagium ; idcirco præstationem esse existimo, quæ pro jure utendi molendino pensitabatur, qua notione aperte occurrit in Charta Henr. Dalph. Metens. episc. ann. 1322. ex Reg. 101. Chartoph. reg. ch. 105 :

Nullomodo possint in dicto loco (Regalis-montis) construi facere molendinum aliquod, seu batistorium, seu quodvis aliud instrumentum, quod...... minuere posset jus Monagii,... imo prædicta rivagia et aquæductus et Monagium prædictum sint perpetuo libera.

A pensitatione pro molitura frumenti, quæ scilicet molitori fit, debere distingui, innuere videtur Charta Guill. comit. Hannon. ann. 1326. in Cod. reg. 10196. 2. 2. fol. 62. v°. :

Nous donnons au devandit maistre Jehan... le monnée, le Monnage et le moulture avoekes toutes les frankises, les droitures et les appartenances que nous aviens en le ville et sour le ville de Marke en Ostrevant.

Vide mox Monancius, Monare et infra Mounagium.

P. Carpentier, 1766.

◊ Alia notione Monnage, Præstatio nempe a mercatoribus forensibus exsoluta pro facultate vendendi et emendi merces. Vide in Monetagium 4.