MUNDIUM, Mundio, ex Saxon. mund, Pax, securitas, protectio, tutela, tuitio, patrocinium, defensio ; mundan, tueri, protegere. Vide Graff. Thesaur. Ling. Franc. tom. 2. col. 813. radice Mund. Apud Longobardos quævis feminæ in mundio erant, ac puellæ quidem in mundio ac tutela parentum, vel si deessent, agnatorum ; feminæ vero nuptiali jugo devinctæ, in mundio erant maritorum. Quemadmodum olim feminæ erant in perpetua tutela apud Romanos, ut docet Ulpianus in fragm. institut. de tutelis. Lex Longob. lib. 2. tit. 10. Roth. 205. :

Nulli mulieri liberæ sub regni nostri ditione Lege Longobardorum viventi liceat in suæ potestatis arbitrio, id est, sine Mundio vivere, nisi semper sub potestate viri, aut potestate curtis Regiæ debeat permanere : nec aliquid de rebus mobilibus aut immobilibus sine voluntate ipsius, in cujus Mundio fuerit, habeat potestatem donandi aut alienandi.

Adde Edictum Rotharis tit. 89. § 1. In Speculo Saxonico lib. 3. art. 45. § 5 :

Maritus est tutor uxoris post desponsationem.

Ita etiam Jure Francico, ubi Mari et Bail vulgo appellatur in Consuetudinibus municipalibus. De mundio puellarum agitur in eadem Lege Longob. lib. 1. tit. 9. § 12. 113. tit. 30. § 11. lib. 2. tit. 11. tit. 21. § 11. 20. Roth. 200. 202. Liutpr. 31. (5. 2.) Roth. 195. 196. 197. Liutpr. 120. 57. (6, 67, 4.) Roth. 388. De mundio nuptarum, lib. 1. tit. 17. § 5. tit. 30. § 2. Liutpr. 141. (6, 88.) Roth. 187. (vir autem uxoris mundium ab ejus parente acquirere dicitur in Lege Alem. tit. 54.) De mundio Religiosarum, lib. 1. tit. 33. § 3. Luitpr. 92. (6, 39.) De mundio viduarum, lib. 2. tit. 6. § 1. tit. 37. § 4. Liutpr. 99. 100. (6, 46. 47.) Quo spectat Ch. ex Tab. Casaur. :

Ego Helegrina filia quondam Caroli... consensu et voluntate de filio meo Aliperto, in cujus Mundium ego permaneo... venundavi, etc.

De mundio ancillarum agitur etiam lib. 2. tit. 12. § 9. tit. 34. § 4. Liutpr. 139. (6, 86.) 10. (2, 4.) Vide Grimm. Antiq. Jur. Germ. pag. 447. Mitterm. Princip. Jur. Germ. § 359.