« »
 
NOCTURNA 1, NOCTURNA 2.
[]« 1 nocturna » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 600a. http://ducange.enc.sorbonne.fr/NOCTURNA1
1. NOCTURNA, Jus piscandi per unam noctem in molendinis. Charta Alelmi de Ambianis in Chartul. Eccl. Ambian. :
Pro banno vini, et Nocturna anguillarum reddidit 15. sol. et 15. capones.
Alia Theodorici Episc. Amb. ann. 1146. in eodem Tabulario Ch. 31 :
Alelmus de Ambianis .... Amb. Ecclesiæ annuam piscium capturam, quæ vulgari nomine Nocturna appellatur, perpetuo jure donavit.
Charta alia in Hist. Monasterii S. Nicolai Andegav. :
Piscaturam quoque piscium unius Noctis molendinorum de Braum eis donavi.
Tabular. S. Eparchii Inculism. fol. 63 :
Dono iterum Deo et S. Eparchio illam levationem auguillarum, quam habebam in anguillariis de Visnaco semel in anno, id est in una Nocte, quæ melior et utilior hominibus meis habebatur, etc.
Tabular. Dalonensis Abbat. :
In illa piscatoria, quæ derivatur per fossatum novum de Barbarello capturam anguillarum unius Noctis per singulos annos.
Tabul. Vindocinense Ch. 104. ubi de juribus Comitis Burchardi :
A Tociaco usque ad Fractam vallem habebat unam Noctem in unoquoque anno ad capiendos pisces.
Occurrit præterea in alia Ludovici Pii Imp. a Mabillonio edita tom. 4. SS. Ord. S. Benedicti pag. 118. Adde Prob. Hist. Guin. pag. 340. Vetus Regestum Cameræ Comput. Paris. signat. M. ubi de Episcopo Ambianensi :
Item a le tent et prinse de le raiz des anguilles par une Nuit telle comme il lui plait, à chascune escluse de la chité d'Amiens.
Charta Philippi Com. Flandriæ pro portoriis et præstationibus ejusdem urbis Ambian. :
Li Vesques et li Cuens cascun dans une Nuit en l'an, quelconque nuit que il vauront, ont le tent et le prise de le raje as anguilles à cascune escluse de la chité d'Amiens ; puis l'escluse Doisel et l'escluse de Soustraine en aval dusque à l'écluse Destous, et à tous les moulins qui sont dehors la fermeté de la chité, et qui sont entre ches escluses devant dites, si comme au molin de Camons et au molin de S. Pierre, etc.
© École des chartes.
[]« 2 nocturna » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 5, col. 600a. http://ducange.enc.sorbonne.fr/NOCTURNA2
2. NOCTURNA, Nocturni, Nocturnale officium, quod noctu peragitur, in Capitularibus Carol. M. lib. 1. cap. 80. Messianus in Vita S. Cæsarii Arelatensis :
Omnibus rebus sanctus vir semper modum voluit custodire, præcipue ad Nocturnos vigilantissime observabat, ut absque eo quod sibi peculiariter Deo solo teste dicebat, nullus suorum qui secum manerent excitaretur ante horam legitimam.
Infra :
Tunc implevimus Nocturnos.
Beletus cap. 20. et ex eo Durandus lib. 5. Ration. cap. 3. n. 7 :
Nota quod Nocturna, næ, ponitur pro Hora : sed Nocturni, nocturnorum pro officio. Vel Nocturna, nocturnæ, est collectio Psalmorum qui dicuntur ante Lectiones in Dominica, vel in profestis diebus. Nocturnæ in plurali, dicuntur tempora in quibus Psalmi cantantur. Nocturni, nocturnorum, dicuntur novem Psalmi, et novem Lectiones cum suis Responsoriis in solennitatibus.
Vide Noctissimus. Rupertus lib. 1. de Divin. off. cap. 10 :
Vigilias in tribus dispertimur Nocturnis.
In tres autem nocturnos ejusmodi officium distinguitur, quod ter in nocte surgerent prisci Christiani, quo Deo laudes persolverent, ut observat Durandus loco laudato num. 17. []
© École des chartes.