« »
 
OSTENSIO 1, OSTENSIO 2, Ostensio 3, Ostensio 4, OSTENSIO 5, OSTENSIO 6.
[]« 1 ostensio » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 076c. http://ducange.enc.sorbonne.fr/OSTENSIO1
1. OSTENSIO, Probatio. Capitulare Arechis Principis Benevent. editum a Camillo Peregrino, § 3 :
Si quis filium post mortem patris ejus pulsaverit, dicendo, quod ei aliquid præmii nomine pro qualibet causa dedisset, aut forsitan, dum pater ejus adviveret, per vim aliquid attulisset, de his propositis causis Ostensio duntaxat fieri non potest.
Ita Ostendere, pro probare, dixisse interpretem S. Irenæi lib. 2. cap. 30. observat Billius lib. 2. obser. cap. 33.
les Bénédictins de St. Maur, 1733–1736.
Ostensio, Charta, ut opinor, ostensa seu præ oculis posita.
Isti viderunt traditionem et Ostensionem Lantaldus, Pontius de S. Juliano, etc
. in Charta traditionis ann. 1164. tom. 8. Spicil. Acher. pag. 197.
© École des chartes.
[]« 2 ostensio » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 076c. http://ducange.enc.sorbonne.fr/OSTENSIO2
2. OSTENSIO, præterea dicitur de prædio, de quo lis est : cum priusquam judex de eo pronuntiet, actor et reus ad illud videndum proficiscuntur, ut inter utrumque de re, de qua lis est intentata, conveniat : monstrée vel monstre d'heritage, in Consuetudinibus Turonensi art. 1. 2. 4. Juliodunensi cap. 1. art. 112. Andegavensi art. 6. Marchensi art. 178. Rupellensi art. 13. Britan. tit. 6. et art. 767. 768. Arestum ann. 1260. in Histor. Guinensi :
Quem quidem boscum Do. Ingerrannus de Couciaco pater suus injuste abstulerat eidem Ecclesiæ, et super hoc traxerat ipsum dominum Ingerrannum in hac curia in causam Abbas S. Vincentii, et habuerat super hoc diem consilii, et diem Ostensionis idem Do. Ingerrannus, ut Abbas dicebat, etc.
Charta Alamannica Goldasti 99 :
Tunc prædictus Comes jussit, ut ipsa testimonia supra irent, et ipsos terminos Ostenderent, quod dicebant.
Assisiæ Hierosol. MSS. cap. 27 :
Se la clameur est de terre, ou de léve moti requerre le suiant jour, si come est devisé en cest livré, Com doit jour demander, qui veult plait longuement suir, et aprés le jour requerre Mostre de ce que celui le requiert, et le requerant li doit faire la Mostre, mais non mie de toute chose : car dou cazal nomé et conneu, ne d'un leu, [] qui ait nom et appartenance ne doit lom point avoir de Mostre, etc.
Cap. 222 :
Et doivent voir Mostres de terres, ou d'autres choses, etc.
Modus vero Ostensionis habetur in Regesto Parlamenti Olim fol. 29. Vide Monstræ et Visus.
P. Carpentier, 1766.
◊ Lit. procurat. ann. 1348. ex Chartul. 21. Corb. fol. 193. v° :
Dantes dictis procuratoribus nostris..... potestatem..... limitandi, Ostensionem et bonsnagia faciendi, etc. Hestencion,
in aliis ibid. fol. 192. v°.
© École des chartes.
[]« 3 ostensio » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 077a. http://ducange.enc.sorbonne.fr/OSTENSIO3
3. Ostensio, Tributum a mercatoribus exigi solitum pro facultate ostendendi et exponendi merces in nundinis. Leges Ethelredi Regis apud Venetyngum editæ cap. 23 :
Homines de Rotomago, qui veniebant cum vino vel craspisce, Flandrenses et Ponteienses, et Normania, et Francia monstrabant res suas, et extolneabant. Hogge et Leodium et Nivella, qui per terras ibant, Ostensionem dabant, et teloneum.
Vide Proponenda, Scavagium.
© École des chartes.
[]« 4 ostensio » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 077a. http://ducange.enc.sorbonne.fr/OSTENSIO4
4. Ostensio, Lustratio solemnis exercitus. Vetus Inscriptio apud Salmasium ad Lampridii Alexandrum cap. 33 :
Temporibus Tiberii Claudii facta hominum armigerorum Ostensione.
Militum recensio. Ostensio armorum dicitur, in Reg. S. Justi ex arest. Scac. S. Mich. ann. 1282. fol. 41. v°. col. 2 :
De nobilibus et aliis justitiam temporalem habentibus in Normannia, petentibus et dicentibus, quod citatio et Ostensio armorum ad ipsos in terra sua spectabat, gentibus domini regis in contrarium asserentibus et dicentibus dictas citationem et Ostensionem domino regi pertinere. Habito consilio super hoc, concordatum fuit, quod dictæ citatio et Ostensio ad dominum regem tantummodo, et non ad alios plenarie pertinebant.
Vide supra Monstrantia. Hinc dictos volunt
les Bénédictins de St. Maur, 1733–1736.
Ostensionales Milites, apud eumdem Lampridium cap. laudato :
Milites quos Ostensionales vocant, non pretiosis, sed speciosis clarisque vestibus ornabat, nec multum insignibus, aut ad apparatum regium auri et serici deputabat, dicens, Imperium in virtute esse, non in decore.
Ubi milites pompaticos intelligunt et ad ostentationem productos in solemnitatibus. Vide Casaubonum in hunc Lampridii locum, Carolum de Aquino in suo Lexico Militari, et Monstrum 1.
© École des chartes.
[]« 5 ostensio » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 077a. http://ducange.enc.sorbonne.fr/OSTENSIO5
5. OSTENSIO, Certa mensura nemoris, quæ ostenditur, id est, designatur cædenda. Charta Phil. Pulc. ann. 1300. in Lib. rub. Cam. Comput. Paris. fol. 120. v°. col. 1 :
Concedimus quod ipse et sui hæredes et causam ab eo habituri in prædicta foresta (de Buro habeat)... usdgium ad ardendum et ædifficandum sufficienter ad opus domus ipsius militis de Juez, per Ostensionem a viridario dictæ forestæ faciendam.
Vide supra Monstrata.
© École des chartes.
[]« 6 ostensio » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 077a. http://ducange.enc.sorbonne.fr/OSTENSIO6
6. OSTENSIO, Recensio, recognitio, idem quod Inventarium, quod rerum, quæ recensentur ostensione seu exhibitione fit. Inventar. S. Capel. Paris. ann. 1376. ex Bibl. reg. :
Petentibus fieri inventarium et Ostensionem sacrarum Reliquiarum, jocaliumque et vasorum auri, etc.
© École des chartes.