PALMARIUS, Palmatus, Peregrinus. Palmarii porro dicebantur, qui peregrinationem Hierosolymitanam seu ex voto ac pietatis intuitu, vel cruce ac sacra expeditione suscepta, in patriam redierant, quod in signum exactæ istius peregrinationis palmarum, quarum ferax est Syria, ramos præ manibus redeundo deferrent. Rationem delatæ palmæ aliam profert Durandus lib. 1. Ration. cap. 3. n. 14 :

Qui de Hierosolymis veniunt, Palmam in manibus ferunt, in signum quod illi Regi militarunt, qui Hierosolymis cum palmis honorifice receptus est, et postmodum ibidem cum diabolo pugnans victor extitit.

Henricus de Knyghton. l. 1. de Eventibus Angliæ cap. 5 :

Eia, inquit, jam adest certe peregrinus, iste est qui nefandum Colibroudum occisurus est. Ad quem sermonem Palmarius accedens, etc.

Mox :

Domine peregrine, etc

. Ita Poetæ nostrates Paumiers, peregrinos vocant. Le Roman d'Auberi :

A icest mot, i estes vous un Paumier,

Qui d'outremer s'i ert mis au repairier ?

Infra :

Lambers appella tantost un despansier,

Va, si me fai tost disner cest Paumier.

Rursum :

Et voit brisié son grand bordon fraisnin,

Mais de ses Paumes le fiert li pelerin.

MS. :

Blanc les reconnut bien

Qu'il estoient Crestien

As escharpes et as bordons,

Et as barbes et as grenons.

Infra :

Et de Jesusalem venons,

Vez les Paumes que nos portons.

 :

J'aurai bordon, et Paume, et jupe autretel.

Alibi :

Il ot Paume et escherpe, et bon bordon ferré.

Passim apud eumdem Poetam. Jam vero cum palma rediisse in patriam peregrinos Hierosolymitanos, testantur passim scriptores. Chronicon Uspergense et Albertus Stadensis ann. 1104 :

Nonnulli etiam Palmati de Hierosolyma redeuntes, etc.

Petrus Damianus lib. 2. Epist. 15 :

Ex Hierosolymitana peregrinatione deveniens Palmam ferebat in manu.

Sed palma juncta maxime utebantur. Willelmus Tyrius lib. 21. cap. 17 :

His ita gestis dominus Comes, (Philippus Alsaciæ) cum Hierosolymis per quindecim dies fuisset, completis orationibus, et juncta Palma quod est apud nos consummatæ peregrinationis signum, etc.

Hinc usus palmarum in processionibus Confraternitatis peregrinorum Terræ Sanctæ apud Franciscanos Paris. erectæ. Omitto alios in Dissert. 15. ad Joinvillam laudatos scriptores : addo tantum cum patriam attigissent, susceptos cum processione Ecclesiastica. Chron. Moriniacense lib. 2 :

Se suscipi cum processione, quippe de Hierosolyma rediens, permitteret, Abbas ab eo postulavit et impetravit.

Ex prædictis emendandus videtur Reinerius in Catalogo hæreticor. :

In secunda secta sunt qui se fingunt peregrinos S. Jacobi, plumbati, et ultramarinos, et spatulatos pœnitentes.

Quippe pro plumbati, palmatos legendum puto. Vide Lexicon Runicum Olai Wormii in v. Palmare.