« »
 
PALMA 3, PALMATA 1, PALMATA 2, PALMATA 3, PALMATA 4.
[]« 3 palma » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 120a. http://ducange.enc.sorbonne.fr/PALMA3
3. PALMA, Mensuræ frumentariæ species. Bulla Alexandri PP. pro Monasterio S. Crispini in cavea Suession. in Tabulario ejusdem Monasterii :
Decimam Novæ villæ, octo Palmas frumenti, etc.
Idem videtur quod
Palmata salis, frumenti : quantum salis aut frumenti palma manus continere vel haurire quis potest : jus nempe [] quod domino feudali ex salis aut frumenti in mercatis publicis venditorum mensuris competit. Statuta villæ Montis-olivi ann. 1231. apud Marten. tom. 1. Anecd. col. 968 :
Item, solvimus et definimus illas Palmatas salis quas alibi milites per toltam et forciam consueverunt percipere in mercato.
Charta Gastonis Vicecomitis Beneharn. ann. 1282. apud Marcam lib. 5. Hist. Beneharn. cap. 28 :
Et in mercato, quod Gavardina vocatur, decimam totam, ab integro, et cum tribus digitis Palmatas de sale in eadem Gavardina.
Monasticum Anglic. tom. 2. pag. 405 :
Sciatis nos confirmasse leprosis S. Egidii de Salopesbiria, quod habeant Palmatas bladi et farinæ de omnibus saccis qui cum blado et farina exponuntur ad vendendum in mercato, etc.
Infra :
Scilicet de unoquoque sacco bladi Palmatam duarum manuum, et de sacco farinæ Palmatam unius manus, etc.
Vide Puniata.
Palmare, Palma mensuraria metiri, mensurare. Vetus Charta in Hist. Monasterii S. Nicolai Andegav. pag. 55 :
Omnium mercatorum quæ fierent vel Palmarentur die qui proximus festivitati imminet. Et ipso festivitatis die costumarum dimidietatem S. Nicolai et Monachorum ejus esse sive in terra, sive in aqua, hæc facta fuerint mercata.
Infra :
Ita quidem si in vigilia festivitatis, aut die, mercatum factum fuerit, vel Palmatum.
les Bénédictins de St. Maur, 1733–1736.
◊ Veteribus nostris Pasmoier et Paumoier, pro manu fortiter apprehendere. MS. :
En son point tient une machuë,
Fierement la Paumoie et rue.
MS. :
Li Roix revint d'estordoisons.
Bien s'est rasis en ses arçons,
Et Pasmoie son fort espié
Qu'il n'a encore pas brisié.
© École des chartes.
[]« 1 palmata » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 121b. http://ducange.enc.sorbonne.fr/PALMATA1
1. PALMATA, Pœnitentiæ apud veteres species. Vetus Pœnitentiale MS. et Beda de Remedio peccat. cap. 14 :
Si quis tinxerit manum in aliquo liquido cibo, et non idonea manu, centum Palmatis tundatur.
Pœnitentiale MS. Thuanum, quod Theodori esse volunt, cap. 3 :
Quidam dicunt 20. Palmatas valere pro uno die
(pœnitentiæ). Infra cap. 10 :
Alio modo 12. triduanæ, singulæ cum psalteriis tribus impletis, cum Palmatis 300. per singula psalteria, excusant unius anni pœnitentiam, etc.
Adde Burchardum lib. 19. cap. 17. et 25. Joannes Laudunensis in Vita Petri Damiani Cardinalis cap. 3 :
Cæteris autem spiritalibus exercitiis disciplinæ, videlicet metaneis, Palmatis, prolixis ulnarum extensionibus... incumbebant.
Vide eumdem Petrum Damianum Opusc. 15. cap. 18. Ejusmodi palmatarum meminit etiam Nilus Mon. lib. 3. Ep. 243 :
Καὶ ϰρουσμὸν μετώπου, ϰαὶ παταγμὸν στήθους, ϰαὶ γόνυ ϰλινόμενον, ϰαὶ χειρῶν διαπαταγμὸν, μετὰ πόνου ϰαρδίας, etc.
Ubi Allatius et manus cum dolore extensas, non recte vertit. Quærunt viri docti quid his locis palmata denotet. Baronius anno 1055. n. 11. existimat pœnitentium palmas ferula verberatas fuisse quod certe verosimile videtur de iis quibus ob crimina perpetrata imponebatur hæc pœnitentiæ species, quod ex verbis laudati Pœnitentialis MS. elici potest, ubi centum palmatis tundi dicitur, qui tinxerit manum, etc. At in spontaneis palmatis non idem dicendum, cum a vero absonum sit, eos qui pietatis et devotionis gratia has sibimet imponebant pœnitentias, ab aliis palmatas, seu palmarum percussiones accepisse. Ii igitur [] harum vice, palmas allidebant ad pavimentum : quod potissimum colligitur ex eodem Petro Damiano lib. 6. Epist. 27 :
Lorica est homo indutus ad carnem, ferreis membra divisa circulis ambit, mittit cum labore metaneas, allidit in pavimentum sæpius palmas.
Nescio, an huc referri possit istud Ethelwfi de Abbatib. Lindisfarn. cap. 10 :
... Suis non parcit tundere membris
Marmora.
Vide Percussio, et Morinum lib. 7. de Pœnitent. cap. 14.
◊ Simile est mortificationis, uti vocant, monachicæ genus, quod refertur ab Hugone Flaviniacensi pag. 160. de B. Richardo Abbate Virdunensi :
Cui etiam moris erat psalterium ex ordine quoquo die dicere, et primos quidem quinquagenos prostando manibus ad terram deflexis dicebat, quinquagenos erectus, quinquagenos prostratus toto corpore, sed suspensus, articulis pedum manuumque sustentatus perorabat.
© École des chartes.
[]« 2 palmata » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 121c. http://ducange.enc.sorbonne.fr/PALMATA2
2. PALMATA, Contractus emptionis vel venditionis, Gall. Marché ; palmata dicitur quod in signum pretii conventi dextram dextræ committere solent, cujus violator mulctæ pecuniariæ subjacebat domino loci exsolvendæ. Charta ann. 1230. ex Bibl. regia :
Ad petitiones que fiunt ex parte Regis, dicimus quod de Palmatis que fiunt in mercato ; et in die mercati, de illis qui nolunt stare contractui, debet habere Rex quinque solidos. De Palmatis vero que fiunt extra mercatum quibuslibet diebus, dicimus quod sint dominorum illorum ad quos locorum spectat jurisdictio.
Fori Oscæ ann. 1247 :
Cum inter emptorem et venditorem super re, quæ venditur, sit certa conventio pretii per Palmatam, solvat alteri quinque solidos qui voluerit resilire.
Satuta Massil. lib. 3. cap. 6 :
Statuimus ut postquam principales personæ contrahentes... de re ipsa vendenda, vel emenda, et pretio convenerint, et postmodum Palmata, vel denarius Dei, vel arrhæ factæ inde fuerint, contractus ille sive venditio, ex tunc rata et firma habeatur quantum ad eos inde contrahentes.
Consuet. Lemovic. art. 70 :
Si hospes vel ejus uxor vel filius venditoris dictarum rerum venditioni interfuerint, et se velle habere partem dictarum rerum in factione seu præstatione Palmata dixerint et præstati fuerint de præmissis, habeant de ipsis rebus sicut unus de aliis qui ibidem fuerint.
Neque alia est vocis Palmée significatio in Consuet. Montensi cap. 12. ubi et Palmants nuncupantur qui palmatis contrahunt et de re aliqua datis dextris conveniunt : quod egregie confirmat Consuet. Hannon. pag. 9. edit. 1663 :
Entant que touchent les arrentemens qui se feront volontairement de maisons et edifices, on y pourra pareillement mettre devise de faire aboult d'ouvrages sur le lieu ou autrement, selon que les arrentans et Palmians le voudront diviser à la Palmée faire. Paumée,
apud Bellomaner. cap. 44. Vide de Lauriere in Glossario Juris Gallici.
les Bénédictins de St. Maur, 1733–1736.
Palmatum, Eadem notione. Statuta Mont. Regal. fol. 115 :
Teneantur et debeant (vicarius et judex) facere attendi et observari omnia mercata sive contractus, qui et quæ fient in dicta civitate, vel districtu, si denarius Dei, vel arræ datæ fuerint, vel si Palmatum fuerit, vel si mercatum, seu contractus celebratus fuerit.
les Bénédictins de St. Maur, 1733–1736.
Palmella, Eodem significatu, in Statutis Perus. fol. 58 :
Si quis non observaverit [] Palmellam, seu pactum Palmella firmatum in die mercati, solvat pro banno sol. v.
P. Carpentier, 1766.
◊ Palmée, nostratibus, eadem notione. Charta scabinor. Duac. ann. 1366. in Reg. 97. Chartoph. reg. ch. 154 :
Avons vendu bien et loyaument par cri publique sur ce fait, à recroiz et à Palmée, etc.
Eadem leguntur in Stat. ann. 1368. tom. 5. Ordinat. reg. Franc. pag. 133. art. 17. Vide Spalmata.
P. Carpentier, 1766.
◊ Hinc Palmata appellari videtur mulcta pecuniaria, cui contractus violator subjacebat ; vel Denarius Dei, uti vocabant, qui in arrham contractus initi dabatur. Arest. ann. 1283. in Reg. 2. Olim parlam. Paris. fol. 66. v° :
Recordata fuit curia quod alias deliberatæ fuerunt Johanni Choisel militi Palmatæ, ratione gruieriæ suæ in foresta Haletæ.
© École des chartes.
[]« 3 palmata » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 122a. http://ducange.enc.sorbonne.fr/PALMATA3
3. PALMATA, Mensura. Vide Palma 3.
© École des chartes.
[]« 4 palmata » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 122a. http://ducange.enc.sorbonne.fr/PALMATA4
4. PALMATA, Alapa palmis inflicta, nostris Palmée. Lit. remiss. ann. 1368. in Reg. 100. Chartoph. reg. ch. 535 :
Icellui Jaques donna une Palmée audit Michault senz plus faire.
Vide Palma 2.
© École des chartes.