« »
 
[]« Parator » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 164b. http://ducange.enc.sorbonne.fr/PARATOR
PARATOR, Sartor, qui vestes conficit vel ornat : olim Parmentier, quasi paramentarius, Paramentorum confector. Charta Communiæ S. Quintini :
Si aliquis aut filatrici lanam sub mercede filandam, aut Paratori pannos, aut ejusmodi res alicui operario ad parandum commiserit, etc.
Charta Communiæ Roiensis art. 45 :
Si quis pannos alicui Paratori commiserit ad parandum, non poterit Paratori ponere eos in vadium pro majori portione, quam merces ejus, ultra quam merces parandi se habeat, etc.
Adde Consuetud. Tolosæ part. 2. Rub. de Debitis. La rue aux Pareurs, in urbe Abbatisvillæ, in ejus Hist. Eccl. pag. 401. Vide Permentarius.
les Bénédictins de St. Maur, 1733–1736.
Parator, Qui pannos parat, Occitan. Paraire, nostris Pareur. Litteræ Philippi VI. ann. 1335. tom. 2. Ordinat. Reg. Franc. pag. 114 :
Volumus et mandamus.... quod de quibuscumque pannis crudis, vel aliis, postquam ad ipsorum Paratorum manus quoquomodo pervenerint, an boni sint et legales, vel falsi aut falsificati, sive minus sufficienter texti, vel adoperati, ipsi Supra-positi qui nunc sunt, et illi qui erunt pro tempore, in arte seu ministerio, paratoriæ supradictæ dumtaxat, habeant examinationem et cognitionem, juxta artis suæ ministerium.
Non semel ibi. Occurrit præterea ibid. [] pag. 90. in veteri Catalogo MS. B. M. Deauratæ, apud Ludewig. tom. 8. Reliq. MSS. pag. 600. in Statut. Mont. Regal. fol. 272. etc. Pareeur, in Charta ann. 1268. ex Schedis D. Lancelot :
Et est ordené que li mestre des Pareeurs est tenus de faire bailler et livrer seing de Pareeur à quiconque bourgeois ou bourgeoise de Chartres qui voudra devenir mestre ou mestresse deu mestier de paré.
les Bénédictins de St. Maur, 1733–1736.
Parator, Cubicularius, qui cubicula disponit, ordinat, lectos parat, instruit ; hujus officium describitur in Leg. Palat. Jacobi II. Reg. Majoric. tom. 3. Junii pag. xxxix :
De Paratore et ejus coadjutore
r. xvii :
Cameras seu cubicula nostra decet esse convenienter ornata..... Quapropter ordinamus in nostro reposito unum deputari specialiter virum, qui paramenta et cortinas apponat circa lectos nostros et ordinet, nec non et sedilia nostra quæ tenere consuevimus in Consilio et in mensa.
Parator. Thwroczius in Chr. Hung. 2. part. cap. 10 :
Qui fundator extitit monasterii de Tata, et Parator,
id est, exornator.
Parator. Charta ann. 1258. apud Prynneum in Libertatib. Angl. tom. 2. pag. 1035 :
Pro quibus omnibus... firmiter observandis,.... præfatum Dom. Regem et successores suos eisdem mercatoribus principales constituerunt debitores, et Paratores, etc.
Ubi legendum pacatores vel pagatores, sponsores, fidejussores. Vide Paccator 2. et Pagator.
© École des chartes.