PERCACIA, et Percatia, Salaria, quæ Canonicis seu inferioribus clericis, præter principalem portionem, competunt, ab Hispan. Percances. Statuta Eccles. Valent. tom. 4. Concil. Hispan. pag. 134 :

Quicumque de clero... verba injuriosa seu contumeliosa contra suum rectorem, vicarium aut alium clericum... intra ecclesiam vel chorum aut extra... dicere præsumpserit... si beneficiatus vel substitutus fuerit, Percatiis quæ ei pervenient per mensem continuum, sit ipso facto privatus... Quæ Percacia... a collectore Percaciorum exigantur, et inter illos qui ad Horas et divinum officium in forma assueta convenerint, dividantur.

Ibidem pag. 170 :

Nullus in dicta ecclesia beneficiatus ad Percatia et emolumenta ecclesiæ admittatur, nisi omnia et singula sui prædecessoris debita et alia onera... realiter et cum effectu persolvat.

Vide Anniversarium, distributio, etc.