« »
 
[]« Perfundere » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 272c. http://ducange.enc.sorbonne.fr/PERFUNDERE
PERFUNDERE dicitur Sacerdos eum quem tingendo, non mergendo baptizat. Summula Raymundi Ord. Prædicat. :
Infirmus vel abortivus baptismatis unda
Ter perfundatur, ne non mersus moriatur.
Si glaciata sit hæc, formam teneas modo dictam.
Vide Clinici, Superfusi.
Perfusio, Ablutio, apud Liturgicarum rerum Scriptores, cum scilicet sumtis sacræ Eucharistiæ speciebus, sacerdoti vinum et aqua infunduntur ut digitos abluat. Concil. Rotomag. ann. 1231. apud Marten. tom. 4. Anecd. col. 177 :
Celebraturus quoque Missam secundam vinum Perfusionis non sumat, sed ministro habenti bonam conscientiam conferat.
Statuta Ord. Præmonstrat. dist. 1. cap. 1 :
Cum aliquis in Natali Domini vel alias de necessitate duas Missas debuerit celebrare, post primam Missam, sumpto Sacramento Eucharistiæ, vinum [] Perfusionis, sive ablutionis non sumat, sed alii ad sumendum trahat.
Vide Superfusio.
© École des chartes.