PINZOCHA, Pinzochera, Soror alicujus tertii Ordinis, puta S. Francisci, etc. Italis Pinzotta, Pinzochera, idem sonat quod nostris Bigote. Vita B. Columbæ Reatinæ tom. 5. Maii pag. 328 * :

Quædam præterea pia soror, quam Pinzocham dicunt, ipsi beatæ Columbæ affectu charitatis et pietatis sollicitudine juncta.

Bulla Bonifacii IX. PP. in Bullar. Carmelit. pag. 326 :

Sit licitum ac permissum quascumque mulieres,... quæ habitum regularem prædicti Ordinis ad instar mantellatarum seu Pinzocherarum Ordinum fratrum Minorum et Prædicatorum habere voluerint et gestare, tam virgines ac matronas, quam viduas, in mantellatas seu Pinzocheras dicti Ordinis Eremitarum recipere.

Vide Bichini et Pyrocaræ.