« »
 
[]« Plebania » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 363a. http://ducange.enc.sorbonne.fr/PLEBANIA
PLEBANIA, est aliud genus beneficii, et majus quam Rectoria, habet sub se capellas, et dignitatem esse putant Interpretes. Ita Kennettus in Gloss. ad calcem Antiq. Ambrosden. Bulla Eugenii IV. ann. 1443. apud Miræum tom. 2. pag. 898 :
Quodque si præsentati et instituti pro tempore Plebanus et Canonici præbendati dictæ Ecclesiæ S. Petri (Lovaniensis) solum et dumtaxat censeantur et existant, quamdiu in præfato studio sine intermissione legerint vel rexerint ; ac quod eorum singulis, impedimento non exstante legitimo, in ipso studio legere vel regere cessantibus... Plebania, Canonicatus et præbenda per cessationem hujusmodi eo ipso vacare censeantur, ac in eorum locis, quoties id evenire contigerit, alii modis et formis similibus illico substituantur et surrogentur.
Pluries ibi.
Plebania Ultiensis
dicitur districtus Archipresbyteri ruralis, in Charta ann. 1065. laudata tom. 2. Histor. Dalphin. pag. 8. Vide Adulturum et Plebegium.
P. Carpentier, 1766.
◊ Cornel. Van Gestel Hist. sacr. et prof. Mechlin. tom. 1. pag. 313 :
Ex xiij. præbendis istis canonicalibus, quatuor sunt dignitates, scilicet præpositura, decanatus, Plebania et cantoria. Investitus sive plebanus, ut canonicus admittitur et introducitur a capitulo, et ut pastor instituitur ab archidiacono loci.
Vide Plebanus in Plebes.
les Bénédictins de St. Maur, 1733–1736.
Plebania, Altare parœciale. Codex MS. citatus tom. 2. Rer. Mogunt. pag. 326 :
Anno Domini 1591. infra dedicationem summi templi, cœperunt domini nostri gratiosi de Capitulo, et præsertim Magister fabricæ tunc temporis, renovare a summo usque ad imum chorum ferreum, maxime quoad Plebaniam, una cum anterioribus[] cancellis et sacrario Eucharistiæ. Plebania,
pro parœcia, lib. 3. Decret. tit. 24. cap. 1.
© École des chartes.