PLICARE, Glossarium mediae et infimae latinitatis, Du Cange et al.

« Plicare emendam » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 373a. http://ducange.enc.sorbonne.fr/PLICARE

PLICARE Emendam, Illatam injuriam, plicata veste, emendare ; unde vocis etymon. Lib. rub. S. Vulfr. Abbavil. ad ann. 1323. fol. 95. v° :

Frater Hugo magister (hospitalis S. Nicolai) domino Johanni de Materinguehan, canonico ejusdem ecclesiæ S. Wlfranni, nomine dicti hospitalis, cum supertunicali suo plicato in manu, pro injuria inde eisdem decano et capitulo et ecclesiæ S. Wlfranni illata, emendavit ; et obtulit se paratum ad emendam faciendam eisdem decano et capitulo, ad voluntatem ipsorum decani et capituli.

Vide supra Emenda 5.

P. Carpentier, 1766.

Plicare Emendam, Mulctam solvere. Reg. capitul. eccl. Belvac. ad ann. 1359 :

Plicavit dictus matricularius emendam.

Rursum ad ann. 1473 :

Thesaurarius S. Laurentii Plicavit emendam in manu domini archidiaconi pro offensa commissa

Passim ibi. Eodem sensu nostri Ploier l'amende dixerunt. Charta ann. 1339. ex Tabul. S. Joan. Laudun. :

Luy ploieront l'amende et ly amenderont du haut et du bas.

Hinc Ploy de l'amende, Mulctæ solutio. Sent. baillivi Ambian. ann. 1372. ex Tabul ejusd. civit. fol. 98 :

Et le constraint à lui amender, et avoit receu le Ploy de l'amende, etc.

Lit. remiss. ann. 1375. in Reg. 107. Chartoph. reg. ch. 251 :

Le fait ainsi advenu et confessé par ledit Perrin, ycellui Perrin pour obeir à justice, fist Ploy d'amende.

Vide Plejus in Plegius.

P. Carpentier, 1766.

Plicare Vadia, Pignori ponere. Vide in Vadium. Hist. translat. S. Corn. tom. 1. Dissert. D. Le Beuf pag. 366 :

Quo divinitus cognito, de locorum more Plicatis vadiis, quicquid te sentire potuit velle, pro posse imperiali dicto citius, devota mente non distulit libenter supplere.