« »
 
PODIUM 1, PODIUM 2, PODIUM 3, PODIUM 4, PODIUM 5.
[]« 1 podium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 381a. http://ducange.enc.sorbonne.fr/PODIUM1
1. PODIUM. Leges Inæ Regis cap. 74. edit. Saxon. :
70. Plena ambra butyri, salmones 5. 20. Podia fœni, et 100. anguillæ.
Certum pondus significari videtur. Cap. 70. In versione antiqua Pondia fodri, in Anglosaxon. Pundwæga fodres.
© École des chartes.
[]« 2 podium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 381a. http://ducange.enc.sorbonne.fr/PODIUM2
2. PODIUM, Res quævis, cui innitimur : a podiis Circorum, vel ædium mœnianis, voce Latinis Scriptoribus nota, de qua copiose Vitruvii interpretes, ac præsertim Bernaldinus Baldus. Jo. de Janua :
Podium, baculus, super quem innitimur, cum sæpe terram terimus. Unde et podium dicitur ubicumque innitimur, et inde Podio, as, appodio, as, compodio, suppodio, omnia pro valde inniti.
Gloss. Lat. Gall. Sangerm. : Podium, baston pour apoier, ou appoieur. Petrus Damian. lib. 3. Epist. 8 :
Ut nec Podio, nec adjacenti prorsus ulli materiæ dignentur inniti.
Sugerius lib. de Consecrat. Eccles. S. Dionysii :
Arcus nullo suffulti Podio.
Diploma Friderici I. Imper. ann. 1162. apud Diago in Comitib. Barcin. lib. 2. cap. 174 :
Cum Romani Imperii dignitas.... nullo nisi divino innixa Podio, etc.
Philippus Eystetensis Episc. in Vita S. Willibaldi. de contracto :
Qui cum relatu didicisset reliquias S. Walpurgis ad Ecclesiam deportari, sumptis Podiis more solito, firmiter claudicando chorum ascendit.
Et infra :
Sanitatem omnimodo est adeptus, ita quod Podiis et baculis abjectis cœpit jubilare et salutare.
Ordericus Vitalis lib. 12 :
Alii vero Podiis vel lapidibus, quos ibi forte invenerant, arreptis, repugnare conati sunt.
Ingelramnus in Relat. S. Richarii, sæc. 5. Bened. pag. 565 :
Ut per circuitum posses incedere templi
Tutius utque per hos valuisses figere gressus,
Desuper adjunctum munimen erat Podiorum.
P. Carpentier, 1766.
◊ Puye, eodem sensu, in Lit. remiss. ann. 1394. ex Reg. 146. Chartoph. reg. ch. 139 :
La suppliante esmeue de chaleur et courroux.... bouta des mains et du genoul ledit sergent,...... telement que il chey à l'entrée de l'alée dudit celier, et se tint à une Puye ou boise qui y estoit.
Hinc
P. Carpentier, 1766.
Podium, Subsellium, minoribus canonicis in ecclesia Lugdunensi destinatum. Acta capitul. ejusd. eccl. ad ann. 1342. ex Cam. Comput. Paris. fol. 77. v°. col. 1 :
Commiserunt prænominatis capitulantibus, quod... Humbertum de Briot canonicum Lugdunensem subdiaconum ponant ad Podium.
Podium, Pars formæ monachicæ, cui Monachi, cum procumbunt, innituntur. Usus antiqui Ordin. Cisterciensis cap. 68 :
Et paululum a Podio semotus, stet usque ad metrum.
Cap. 69 :
Quicunque hymnos incipit stet semotus a Podio.
Statuta ejusdem Ordinis ann. 1219. apud Marten. tom. 4. Anecd. col. 1314 :
Monachis in stallis suis manentibus, dum antiphona canitur, et semotis a Podio.
Podiata. Gauterius Cancellarius de Bellis Antiochenis pag. 459 :
Facto specu subterraneo, infodientes mittit homines, igniferosque parat currus siccis lignis insitos, ut cum ad turres pervenerint, sub Podiatæ postibus eisdem immissis ignibus corruant.
De cuniculis, qui lignis sustentabantur.
Appodiare, Inniti in rem aliquam, incumbere, Gall. Appuyer, s'appuyer, [] Ital. Appoggiare. Gloss. MSS. : Fulcio, apodio. Ugutio :
Sufflare, id est apodiare, fulcire, appodiamentum supponere. Vel hoc sufflamen, appodiamentum, quod cui innititur ut sustentetur.
Ordericus Vitalis lib. 8. pag. 693 :
Et baculo, quem bajulabat Appodiatus immobilis stetit.
Willebrandus ab Oldenborg in Itin. T. S. :
In Joppen pervenerunt, ubi navim, quam sine remis et velo in portum hujus Tarsis Appodiaverunt.
Jacobus de Vitriaco lib. 3 :
Cadaver perfidi armatum, ad modum autem vivi Appodiantes, erexerunt.
Utuntur præterea Rigordus ann. 1190. Cæsarius lib. 5. cap. 5. Willelmus Brito lib. 2. et 3. Philipp. pag. 115. 133. Walsinghamus ann. 1271. Matthæus Paris, Chronicon Aulæ Regiæ ann. 1321. et 1329. Chronicon Windes. lib. 1. cap. 11. Petrus de Dusburg in Chron. Prussiæ cap. 53. Vita S. Constanbilis Abb. Cavensis cap. 4. num. 25. etc. MS. :
Qui les veist sor les chevax Puier.
MS. :
L'en li amoine un vairon,
Tos fut coverts d'un siglaton,
Li Seneschax i est Puié.
Ibidem :
Et sont es bons chevax Puiez.
Appodiamentum, Gall. Appuy, Italis Appogio, res quæpiam cui innitimur. Conradus Marpurg. in Vita S. Elisabeth, de claudo :
Suræ tibiarum adeo evanuerant, similiter et nates, quod ire non potuit ullatenus, nec sine Appodiamento sedere.
Et infra :
Cœpit ad sepem et ad Appodiamenta alia se erigere, et sic gradi.
Appodiatio, Eadem notione, in Epist. Balduini de Expugn. Constantinopolitana apud Arnold. Lubec. pag. 190.
Appodiatorium, Fulcrum, nostris Potence, apud Recuperum in Actis B. Ambrosii Senensis num. 1. 139.
Suppodiare, Sustinere, Soustenir. Sugerius in Vita Ludovici VI. pag. 318 :
Descendente vero tota statione, eum Suppodiando deportans, celsitudinem Paternitatis ejus notis et ignotis clarificavit.
Ita enim vox hæc restituenda apud Bertrandum in Miraculis S. Roberti Abbat. Casæ-Dei num. 13.
Repodiatio. Chronicon Windemense lib. 1. cap. 27 :
Sine Repodiatione et brachiorum super stalla reclinatione communiter in Choro stare consuevit.
Pogium, Idem est quod Podium, quo innitimur. Chronic. Fontanellense cap. 16 :
Porticus honestas cum diversis Pogiis ædificari jussit, quibus trabes imposuit, ac juxta mensuram eorumdem tectorum in longum extendit.
les Bénédictins de St. Maur, 1733–1736.
Poïus, Eadem notione. Vetus Monast. Casin. descriptio a Ruinartio laudata in Apolog. S. Mauri :
In Poïo, qui est in dormitorio ante portam de turre, sanctus Benedictus solsit rusticum.
les Bénédictins de St. Maur, 1733–1736.
Podiolus, dimin. a Podium, Balcon. Regimina Paduæ ad ann. 1282. apud Murator. tom. 8. col. 461 :
Factæ fuerunt stationes Communis Paduæ subtus Podiolum potestatis. Pudiolus
editum ibidem col. 427. Chronicon Tarvisinum apud eumdem tom. 19. col. 781 :
Cum illis deambulans per Podiolos ita studiose, etc.
Vita B. Henrici Baucens. tom. 2. Junii pag. 372 :
Prout clare poterant etiam de Podiolo episcopatus intueri.
© École des chartes.
[]« 3 podium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 381b. http://ducange.enc.sorbonne.fr/PODIUM3
3. PODIUM, Collis, mons : Gallis Puy, et Pec, le Pec de S. Germain en Laye ; Pou, Normannis, le Pou de Flamanville ; [] alibi Pic, Pic de Teneriffe ; Occitanis et Arvernis, Poy, Peu, vel Puesch. Puey, et pueyo, in Charta Sanctionis Abarcæ Regis Aragonum æræ 971. apud Blancam in Commentario rerum Aragon. pag. 613. Chartophylacium Regium Regesto 49. fol. 50 :
Donavimus..... Podium sive montem vulgariter appellatum de Champinac.
Charta ann. 1047. in Tabul. S. Victoris Massil. :
Et pergit ad ipsum Podium sursum, etc.
Theodulphus Aur. in Parænesi ad judices :
Hinc Magalona habuit lævam, Sextantio dextram,
  Hic seabris Podiis cingitur, illa mari.
Hinc dicta urbs Aniciensis in Arvernis, quod supra podium extructa sit. Vita S. Georgii Episc. Aniciensis :
Surge velociter, et cacumen istius montis ascende, quem majores vestri Græco sermone Anitium, (ab ἄνω) vos autem quasi propriæ nationis vocabulo dicitis Podium.
Vide Odonem de Gesseio in Histor. Aniciensi lib. 1. cap. 26. Valesium in Notit. Gall. pag. 452. Huetii Orig. Cadom. pag. 322. et infra Puteus 2. Quod vero Podium alii, nostri Pui dicunt. - , cujus auctor vixit anno 1188 :
Li Rois fu bien apareilliez,
Le Pui descent tout embronchiez,
Le Pui devale contreval, etc.
MS. :
Ainsi que gi muire, en aurai tant ocis,
Couvert en ierent li Pui, et li larris.
Alibi :
Envers Cortrai par larris et par Puis.
 :
Rollans regarde ens Puit, et ens valées.
 :
Tant a Girbert le roi Pepin seu,
Qu'il l'a trouvé el Pui de Mon-Loon.
Alter Poëta MS. :
Chevaux fuïans courir le Pui et la Valée.
Alibi :
Que li Puis et li vaus trestout en resonna.
P. Carpentier, 1766.
◊ Charta ann. 1203 :
Ego Bermundus abbas S. Andreæ, consilio et voluntate totius conventus, adquiescens precibus tuis Raymunde de Agoudo, concedo tibi et tuis Podium S. Martini, quod est proprietas S. Mariæ de saltu, ad faciendum castrum : hoc tamen retinemus in prædicto Podio, quod quicumque ibi ædificaverint domos, pro singulis cannis duos nummos curribilis monetæ persolvant annuatim priori de saltu.
Lit. remiss. ann. 1450. in Reg. 185. Chartoph. reg. ch. 2 :
Estienne Mitrault, qui estoit logé en ung Puy ou montaigne, etc.
Poium, pro Podium, Collis, mons, una Poya etiamnum rusticis Dumbensibus. Notitia ann. 876. in Append. ad Marcam Hisp. col. 798 :
Per summitate de ipso Poio infrontat in kero Dandriso, etc.
Occurrit in Bulla Leonis IX. PP. et in Diplom. Conradi Imp. apud Ughellum in Episcopis Asculanis : passim etiam in Tabulario Casauriensi, ubi interdum poiora, pro poio reperitur. Adde Franciscum Mariam in Mathilde lib. 3. pag. 105. 106. 108.
les Bénédictins de St. Maur, 1733–1736.
Poius, in Charta ann. 1058. ex Tabul. S. Victoris Massil. :
A meridie sicut est Poius qui dicitur Castlar, et strata publica, etc.
Pogium, Idem quod Podium et poïum, Collis. Italis Poggio. Charta ann. 1011. apud Murator. delle Antic. Estensi pag. 194 :
De monte et Pogio, seu castello illo, [] qui esse videtur in loco et finibus, ubi dicitur Vico.
Charta ann. 1124. ibid. pag. 155 :
Ad proximum Pogium ire placuerat, qui est in monte, qui vocatur Caprione, ad ædificandum super eum castrum..... Pogium ipsum tandem ascenderunt, et in quantum poterant, in vito prædicto exercitu, ædificare cœperunt.
Diploma anni 1224. apud Ughellum in Episcopis Lunensibus :
Cum suis viribus resistendo Pogium ipsum tandem ascenderunt.
Et infra :
Prædictum Pogium causa castelli ædificandi ascenderunt.
Pugium, in Charta Lotharii Regis Franciæ ann. 987. apud Michaëlem Carbonellum in Chronico Hispan. fol. 7.
Poggiare, Ascendere, apud Petrarch. parte 1. can. 1. 10. Dantem in Paradiso 6. etc.
les Bénédictins de St. Maur, 1733–1736.
◊ Sic Pojar et Pujar, pro Ascendere, extollere, dixerunt Poetæ Provinciales. Folquetus Massil. Episcop. Tolosæ ex Cod. MS. apud V. Ill. Præs. de Mazaugues :
Quan plus deiscen, plus Poia humilitas.
Et orgoill chai ou plus halt es Pojas.
Giraldus de Borneil apud Crescimb. pag. 227 :
Mos seigner cui es Monferras,
Qui per dreig segnerage
Est en tan grand honor Pojats.
Blascasset in Beatrice Comit. ibid. pag. 240 :
Vostre fin pritz et tant Pujats,
Que sobre totz es exauzats.
Podium, Pogium, Lectrum, analectrum in Ecclesia, ad quod gradibus ascenditur. Cyprianus in Vita S. Cæsarii Arelat. num. 17 :
Videntur etiam hodieque securium ictus in Podiis et cancellis, dum inde columnarum ex argento excutiuntur ornamenta.
Ordo Romanus :
In Pogio juxta ambonem cum capsa in qua Subdiaconus idem ponit Evangelium ut sigilletur.
Alibi :
Qui ordinandi sunt, stent in Pogio sub gradibus.
Rursum :
Veniunt usque ad altare, ascendentibus Diaconibus in Pogium, Episcopi et Presbyteri statuuntur in locis suis, et schola ante altare.
© École des chartes.
[]« 4 podium » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 382a. http://ducange.enc.sorbonne.fr/PODIUM4
4. PODIUM, Domus rustica, curtis, prædium rusticum, castrum, castellum ; maxime de iis dicitur quæ supra podium seu collem exstructa sunt. Vide Podus. Charta ann. 1201. inter Instr. tom. 2. Gall. Christ. novæ edit. col. 323 :
Unum sextarium frumenti, et unum saumam vini... de frumentada et de vinada quæ censualiter in terra et Podio Johannis.... præcipio reddendam.
Chron. Farfense apud Murator. tom. 2. part. 2. col. 535 :
Item Martinus et Sobinus filii Dominici dederunt in hoc monasterio portionem suam de Podio in Sorbiliano.
Ibid. col. 594 :
Concesserunt in hoc monasterio res suas territorii Sabinensis in Ciliano, et in monte qui nominatur Costa, ubicumque Podium ædificare oportuerit.
Oberti Cancell. Annal. Genuens. lib. 2. apud eumdem tom. 6. col. 299 :
Injungentes quod super podium, in quo nemo exterus partem babebat cum alio commune, posset castrum ædificari, cujus fortitudine a suis inimicis possent commodius se tueri...... Tamen ipso consulatu ædificatum fuit Podium illud, nomen cui fuit impositum Mons-leo.
Le Roman de Garin :
Tant a Girbert le Roy Pepin seu
Qu'il l'a trouvé el Pui de Mont-Loon.
les Bénédictins de St. Maur, 1733–1736.
Podius, Eadem notione. Charta ann. 1166. inter Probat. tom. 2. novæ Hist. [] Occitan. col. 606 :
Ego Guillelma vicecomitissa Namausensis... trado ad beneficium in perpetuum sine dolo tibi Duranto Alafredo de Bedillano, et tibi Petro fratri ejus, et infantibus et omnibus successoribus vestris, scilicet unum Podium qui vocatur Escata. Tali videlicet pacto dono vobis hunc Podium, quod vos et successores vestri mihi vicecomitissæ et vicecomiti de omnibus fructibus qui de Podio exierint, de blado, et de ligno et de conliis tascham detis.
P. Carpentier, 1766.
◊ Puy, eodem sensu, nostratibus. Lit. remiss. ann. 1472. in Reg. 197. Chartoph. reg. ch. 287 :
Pour faire pasturer ensemble leur bestail en ung grant Puy ou pasturage.
Nisi sit Pascuum in montibus.
© École des chartes.
[]« 5 podium » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 382b. http://ducange.enc.sorbonne.fr/PODIUM5
5. PODIUM, Ebur ustum, in Gloss. ad Alex. Iatrosoph. MS. lib. 1. Passion. cap. 111 : Item Podium teres et pulverem insufflabis.
© École des chartes.