« »
 
POSTIS 1, POSTIS 2, POSTIS 3, POSTIS 4.
[]« 1 postis » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 434b. http://ducange.enc.sorbonne.fr/POSTIS1
1. POSTIS, Tabula lignea, asser, Gall. Ais, planche, ab Occitan. Poste, eadem notione. Limborch. Inquisit. Tolos. pag. 148 :
Interrogatus de libro in quo legebat dictus homo, utrum esset parvus vel magnus, et cum Postibus vel sine postibus, respondit quod erat parvus, et videtur sibi quod non erant ibi Postes.
Processus de Vita S. Yvonis tom. 4. Maii pag. 560 :
Habebat duos libros cum Postibus sub capite loco pulvinaris. Postes argentei, i.
e. argenteis laminis ornati, in Tabul. Brivat. Duabus quippe tabellis ligneis hinc inde libros munire consueverant. Extractum Computi ann. 1336. tom. 2. Hist. Dalphin. pag. 325 :
Dictum palatium est bene coopertum de optimis Postibus de meleze bene clavellatis.
Statuta Montis Regal. fol. 312 :
Item pro media dozena Postium ligni sol. duos den.
Hinc Post, pro fibula seu clavo ligneo, Gall. Cheville, usurpare videtur MS. :
Li Roiz Loeiz fist semondre et bannir son ost,...
Ne remest viex espées, ne viex escus à Post.
Hoc est, facta submonitione nullum scutum, nullusve gladius ad clavum suspensus remanet, sed iis statim armantur.
les Bénédictins de St. Maur, 1733–1736.
Postis, Vectis, Gall. Bâton de chaise. Tabular. Episc. Corisopit. :
Anno 1480. in primo introitu R. in Christo patris Guidonis Episc. Corisopitensis ; episcopo redeunte ad lapidem in quo tronus ipsius erat, cathedra sua episcopali cum quatuor Postibus ibidem posita, vocatis Nobilibus et potentibus viris D. Johanne du Quenelec vicecomite du Fou admirallo Britanniæ, Henrico dom. de Nevet Milite, Guillelmo dom. de Plueve, et dom. Guidomaro de Guengat, qui ipsum super humeros portare debebant, etc.
Postis ad Regulandum, in supellectili libraria, apud Guigonem II. in Statutis Ord. Cartusiensis cap. 28. § 2. et in Actis SS. tom. 2. Junii pag. 495. ubi de S. Rosselina. Est autem ibi Postis, regula lignea, Gall. Regle. Signum poste pulsare per Galileas, in Statutis antiquis ejusdem Ordinis 1. part. cap. 13. § 26. 40. parte 2. cap. 16. § 7. Vide Cornu 3.
© École des chartes.
[]« 2 postis » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 434b. http://ducange.enc.sorbonne.fr/POSTIS2
2. POSTIS, Idem quod Posterula, posticum. Sallas Malaspinæ lib. 4. Rer. Sicul. cap. 18. apud Baluz. tom. 6. Miscell. pag. 315 :
Per Postem seu posterulam partis posterioris ejus per quam ad castrum ipsum quis ingreditur et ad terram.
Vide Posticium.
© École des chartes.
[]« 3 postis » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 434b. http://ducange.enc.sorbonne.fr/POSTIS3
3. POSTIS, Palus, Gall. Pieu. Charta capit. S. Salvat. Montispess. ann. 1354. in Reg. 89. Chartoph. reg. ch. 318 :
Quod [] in dicta paxeria possitis ponere Postes per totum longum dictæ paxeriæ subtus arrestam, per tres vel quatuor palmos,... per quas Postes et cum quibus Postibus possitis et valeatis dictam aquam.... accipere, etc. Post,
pro Pilier, Columna, in Lit. remiss. ann. 1387. ex Reg. 131. ch. 105 :
Icellui Roulant se muça et tapy derriere un pilier ou Post de bois.
Vide supra Postellum.
© École des chartes.
[]« 4 postis » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 434c. http://ducange.enc.sorbonne.fr/POSTIS4
4. POSTIS, Potens, potestate et auctoritate præditus. Acta S. Judicael. tom. 1. Probat. Hist. Brit. col. 204 :
Filius, quem a me clausum in utero habet, Postis, herus et princeps gentis suæ in regno sæculari erit.
Vide Potestativus.
© École des chartes.