« »
 
PUNCTUM 1, PUNCTUM 2, PUNCTUM 3, PUNCTUM 4, PUNCTUM 5, PUNCTUM 6, PUNCTUM 7, PUNCTUM 8, PUNCTUM.
[]« 1 punctum » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 570c. http://ducange.enc.sorbonne.fr/PUNCTUM1
1. PUNCTUM, Ipsa chartæ vel scripti verba. Regest. Magn. Dier. Trecens. ann. 1289. apud D. Brussel tom. 2. de Usu feud. pag 927 :
Ad quos usus dicti burgenses per Punctum cartæ suæ se attendere dicuntur.
Statutum Philippi Pulchri Regis Franc. ann. 1302. pro Reformatione Regni cap. 63 :
Per hujusmodi Statuta et ordinationes nos aut nostrum consiltum non intendimus in aliquo variare vel mutare privilegia, seu Puncta litterarum, quæ nos aut prædecessores nostri concessimus, etc.
Charta Philippi Regis Franc. inserta in Litteris Henrici V. Regis Angl. ann. 1420. apud Rymer. tom. 10. pag. 21 :
Specialiter cum nec per Punctum cartæ hoc sibi concessum fuisset.... Per Punctum cartæ, sibi et eorum monasterio a tempore fundationis dicti monasterii concessæ.
Prendre à point, et pointer, in Assisiis Hierosolymitanis MSS. cap. 6 :
Le bon plaideoir doit ses paroles tout baudement et entendaument, et doit estre gaitant de dire ses paroles, si que son aversaire ne le puisse prendre à Point, par quoi il perde sa querelle, notant tous les dis de son aversaire, et bien Pointant chascun porce que il sache respondre à ce que mestier li est.
Et cap. 264 :
Le Seignor et l'homme doivent adonc dire ambedeus ensemble, oil, pource que l'un ne puisse prendre l'autre à Point. Car si l'un disoit, oil, et l'autre, non, enci auroit l'un l'autre pris à Point, et auroit sa foi blessée.
© École des chartes.
[]« 2 punctum » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 570c. http://ducange.enc.sorbonne.fr/PUNCTUM2
2. PUNCTUM, in psalmodia, Syllaba. Statuta antiqua Ordinis Cartusiens. 1. part. cap. 39. § 1 :
Si ea, quæ cantando delectationem afferunt, amputentur, ut est fractio et inundatio vocis, et geminatio Puncti, et similia, quæ potius ad curiositatem attinent, quam ad simplicem cantum.
Ubi Neumæ innuuntur. Et § 4 :
Punctum nullus teneat, sed cito dimittat. Post Punctum bonam pausam faciat.
Adde § 5. Cap. 50 :
In monosyllabis vel barbaris dictionibus debet in fine geminari Punctum, cum fit interrogatio, tam in Epistola, quam in Evangelio.
les Bénédictins de St. Maur, 1733–1736.
Punctus, Eadem notione, in Institut. Patrum de Modo psallendi apud Thomas. in Append. ad Respons. S. Greg. pag. 443 :
Semper in psalmodia Punctus et pausa teneantur.
Hinc
Punctatim Canere. Charta Caroli II. Regis Siciliæ ann. 1304. apud Ughellum tom. 7. pag. 897 :
Volumus, quod in ipsa deinceps Ecclesia secundum ordinem Parisiorum Ecclesiæ per libros, quos eidem Ecclesiæ dedimus, divinum officium celebretur. Punctatim videlicet atque tractim.
Ubi tractim et punctatim, est uno tenore et absque ulla modulatione cantare, singulis tamen punctis, in verbis, quodammodo tono elevatiori notatis, ita ut qui ita cantat, iis immoretur.
les Bénédictins de St. Maur, 1733–1736.
◊ Haud scio an melius de gravi et distincta modulatione intelligatur, ut et in Statutis antiquis Canonic. Regular. apud R. Duellium tom. 1. Miscell. pag. 86 :
Punctatim psallendo Deo, cantentque morose.
Hinc emendanda Statuta Valent. Eccl. inter Concil. Hisp. tom. 3. pag. 511 :
Semper unus levet psalmos, et Punctatis, sine syncopa legant psalmos ac lectiones.
Ubi leg. Punctatim.
P. Carpentier, 1766.
◊ Id est, Puncta seu notas multiplicando et variando, nostris Pontoier. Mirac. Mss. B. M. V. lib. 2 : []
Tex chante bas et rudement,
Que Dex escoute doucement,
Plus que celui qui se contoie,
Qui haut organe et haut Pontoie.
Male ergo cum Tractim confunditur, aut de gravi et distincta modulatione intelligitur. Vide Cantus contrapunctus.
© École des chartes.
[]« 3 punctum » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 571a. http://ducange.enc.sorbonne.fr/PUNCTUM3
3. PUNCTUM, Vulnus cuspide factum. Lex Ripuar. tit. 4. cujus inscriptio est, de Puncto :
Si quis ingenuus alterum transpunxerit, aut infra costas plagaverit, etc.
© École des chartes.
[]« 4 punctum » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 571a. http://ducange.enc.sorbonne.fr/PUNCTUM4
4. PUNCTUM, Articulus, caput, Gall. Point, article. Litteræ Ruperti Electoris Palat. ann. 1356. apud Ludewig. tom. 5. pag. 582 :
In omnibus suis tenoribus, sententiis, Punctis et clausulis, etc.
Charta ann. 1377. ex Bibl. reg. :
Quia recipiendo veniret contra unum de principalibus Punctis quod ponit et substinet.
Charta Caroli Regis Franc. ann. 1452. apud Baluz. tom. 2. Hist. Arvern. pag. 402 :
Et licet iidem exponentes errores in dicto arresto respectum certorum Punctorum in eodem contentorum intervenisse et eosdem presequi intendissent.
Adde Rymer. tom. 8. pag. 378. et Conc. Hisp. tom. 3. pag. 654. Vide Punctus 2.
© École des chartes.
[]« 5 punctum » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 571a. http://ducange.enc.sorbonne.fr/PUNCTUM5
5. PUNCTUM, Salarium, honorarium, quod iis tribuitur qui officiis ecclesiasticis intersunt ; sic dictum quod præsentes puncto notabantur. Statuta Eccl. Valent. inter Conc. Hispan. tom. 4. pag. 135 :
Quicumque clericus beneficiatus, vel substitutus non adfuerit Missæ majori, perdat Punctum omnium actuum et funeralium a meridie usque ad mediam noctem illius diei. Et quicumque non adfuerit Vesperis, similiter amittat Punctum omnium actuum et funeralium a media nocte usque ad meridiem diei sequentis. Et deputabitur in clero presbyter unus qui assistentes Missæ et Vesperis supradictis Puncto designet. Puncta
nuncupantur etiam salaria concessa a Principe primatibus advocatorum. De his vide Cujac. lib. 13. Observat. cap. 2.
© École des chartes.
[]« 6 punctum » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 571a. http://ducange.enc.sorbonne.fr/PUNCTUM6
6. PUNCTUM, Globulus, Gall. Bouton. Statuta Milonis Episc. Aurel. ann. 1314. apud Marten. tom. 7. Ampl. Collect. col. 1286 :
Statuimus quod quilibet sacerdos de cetero supertunicale clausum habeat, scilicet sine Punctis.
Statuta Monast. S. Germ. Paris. inter Probat. ejusdem Hist. pag. 173 :
Vestes etiam inordinatas apertas cum Punctis penitus inhibemus.
Statuta Monast. S. Claudii ann. 1448. pag. 38 :
Item, quod iidem Religiosi sine floccis aut regularibus cucullis cum Puncto competenter clausis per monasterium... non incedant.
Occurrit rursum pag. 113.
P. Carpentier, 1766.
◊ Vel potius Fibula, acus. Vide supra Puncta 6.
© École des chartes.
[]« 7 punctum » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 571a. http://ducange.enc.sorbonne.fr/PUNCTUM7
7. PUNCTUM, Terminus, limes, quia certis punctis seu notis distinguitur, Point etiam nostratibus. Charta ann. 1220. in Chartul. Campan. ex Cam. Comput. Paris. fol. 393. r°. col. 1 :
Ego Rogerus dominus Roseti in Tereschia... Quæ omnia de allodio meo erant, et intra terminos et Puncta comitatus Campaniæ constituta sunt.
Alia Henr. comit. de Ronay ann. 1268. ibid. fol. 220. r°. col. 2 :
Por ce que je voi et entant que moult de mals porroient avenir, se je me marioie fors des Poins dou royaume de France, etc.
© École des chartes.
[]« 8 punctum » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 571a. http://ducange.enc.sorbonne.fr/PUNCTUM8
8. PUNCTUM, Vox generalis, qua res quævis, quodlibet negotium significatur. Charta ann. 1201. ex Tabul. S. Gauger. Camerac. :
Cum etiam in principio messium super Punctum Augusti fuerint banni facti, etc.
les Bénédictins de St. Maur, 1733–1736.
In Puncto Esse, Phrasis Gallica, [] Etre sur le point, In procinctu. Charta ann. 1377. ex Bibl. reg. :
Diximus quod eramus in Puncto rumpendi, etc.
P. Carpentier, 1766.
◊ Præsto esse, Ital. Essere in punto. Charta Theob. comit. Campan. ann. 1228. in Chartul. Camp. ex Cam. Comput. Paris :
Cum karissima domina mater mea esset in eo Puncto revocandi ipsum Galcherum, etc. Quant poins est de pestrir,
in Ch. ann. 1263. ex Chartul. S. Petri Insul. sign. Decanus fol. 112. v°.
les Bénédictins de St. Maur, 1733–1736.
De Puncto in Punctum, Phrasis etiam Gallica, De point en point, Accurate, diligenter, summa cura, in Litteris Philippi VI. Reg. Franc. ann. 1339. tom. 2. Ordinat. pag. 133 :
Ipsas ordinationes et litteras regias supradictas de Puncto in Punctum observantes, etc.
Charta Henrici VI. Regis Angl. ann. 1446. apud Rymer. tom. 11. pag. 111 :
Observari de Puncto in Punctum, etc. De Puncto ad Punctum totum scribimus præsens scriptum,
in Tabul. Eccl. Lingonens.
© École des chartes.
[]« Punctum » (par L. Favre, 1883–1887), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 571b. http://ducange.enc.sorbonne.fr/PUNCTUM9
PUNCTUM (Ludere ad omnem), Ludi taxillorum species. Vide Ludus ad açardum. Fr.
© École des chartes.