QUIETORIUM, Sepulchrum. Vetus inscriptio :

Quietorium hoc sibi vivens paravit.

In aliis, Requietorium, eadem notione, 883. 4. 954. 1. 1030. 8. 1094. 8. Senator lib. 6. Epist. 8. Defunctorum sacram Quietem dixit. Valentinianus Nov. de Sepulcris :

Quis enim nescit Quietos sollicitari funestis ausibus manes ?

S. Hilarius apud Facundum Hermianensem lib. 10. cap. 6 :

Cogitans tot Sacerdotes sanctos et Quiescentes jam, etc.

Hinc formula recepta in Inscriptionibus sepulchrorum :

Hic requiescit, etc.

Eadmerus in Descript. Cantuariensis Ecclesiæ :

Usque ad locum Quietis Beati Dunstani.

Testamentum SS. Quadraginta Martyrum Sebastenorum :

Ἐπειδὴ γὰρ ϰοινὸν ἐθέμεθα τὸν τοῦ ἄθλου ἀγῶνα, ϰοινὴν συνεθέμεθα ϰαὶ τὴν ϰατάπαυσιν ποιήσασθαι ἐν τῷ προερημένῳ χωρίῳ.