« »
 
[]« Ramagium » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 010a. http://ducange.enc.sorbonne.fr/RAMAGIUM
RAMAGIUM, Facultas data tenentibus exscindendi vel colligendi ramos arborum in silvis dominorum, seu ramalia, unde et Ramalaticum dicitur. Charta ann. 1104. ex Tabulario S. Maxentii in Pictonibus :
Ego Audiernus de Campania dedi B. Maxentio Ramagium per omnes buscos meos in curte de Montebo, ad hoc, ut homines de Coguleto accipiant ad omnes necessitates suas.
Regestum Philippi Aug. Herouvallianum fol. 69 :
Pro Ramagio lignorum donat quæque domus tria ova in Pascha.
Aresta ann. 1279. in Regesto Parlamenti Paris. B. fol. 49 :
Capellani de Ramagio forestæ Britolii remanebunt in possessione sui usagii, etc.
Tabular. Montismorilionis in Pictonibus fol. 142 :
Condonati domus domini, qui in hac terra habitabunt, non reddent alicui domino nec Ramatge, nec pasquerium.
Vide Ramalaticum.
les Bénédictins de St. Maur, 1733–1736.
◊ Vox Ramatge in hoc postremo loco Tabularii Montismorilionis non significat ipsam facultatem exscindendorum colligendorumve in silvis ramorum, sed quod pro ea facultate domino solvendum est a tenentibus : qua notione sæpius etiam accipitur vox ipsa Ramagium. Charta Odonis domini de Closis pro habitatoribus villæ de Boesses ann. 1239. apud Thomasserium in Biturig. pag. 85 :
Et omnia nemora mea aperta capere poterunt ad omnia necessaria sua facienda, ita quod pro iisdem Ramagium consuetum reddere tenebuntur.
Conventio Chartusianorum Vernensium cum Rossolino de Fossis ann. 1389. ex Schedis Pr. de Mazaugues :
Patri suo Rossolino habenti supremum dominium, merum imperium et Ramagium super avere extraneum in dicto monasterio et territorio ejus.
Venditio Vicecomitatus Rellaniæ per Ludovicum II. Comitem Provinciæ facta Petro d'Acigné Senescallo ann. 1410. ex iisd. Schedis :
Cum.... venationibus et piscariis, pulveragiis, Ramagiis, passagiis, pedagiis, albergis, etc.
Statuta Perusiæ pag. 60 :
Si pedagium, bastagum, Ramagium, gabella, leyda seu curaria, ascenderit ad solidos duos vel ultra, etc.
Vide Ramatgium.
P. Carpentier, 1766.
◊ Nostris Ramage, eadem acceptione. Charta ann. 1312. in Reg. 48. Chartoph. reg. ch. 116 :
Nec non gallinas de Lostoir nobis debitas in Ramagio forestæ prædictæ.
Alia ann. 1298. in Lib. rub. Cam. Comput. Paris. fol. 41 :
Une rente, que l'en appelle le Ramage de la forest.
Alia ann. 1324. in Reg. 62. ch. 145 :
Item sus les hommes de la Pruille pour un devoir, que l'en appelle Ramage, dix solz, quatre deniers.
Hinc Ramageur, Silvæ custos, vel qui ejusmodi tributum colligebat. Lit. ann. 1378. tom. 7. Ordinat. reg. Franc. pag. 202 :
Pasturages communs, senz en riens payer aux Ramageurs.
Vide infra Rameragium.
les Bénédictins de St. Maur, 1733–1736.
◊ Gallica vox Ramage in Consuetudine Britannica art. 298. 306. 322. 323. 325. 326. 330. 331. 482. 541. et 593. dicitur ramus cognationis et successionis linea, de qua consule de Lauriere in Glossario Juris Gallici. Vide Ramificare.
P. Carpentier, 1766.
◊ Pro ipso cognato occurrit in Ordinat. ann. 1301. tom. 1. Probat. Hist. Brit. col. 1167. art. 10 :
Si le vavassour avoit aucun Ramage, qui devoit etre en l'aide, il lui doit mettre jour pour venir à l'aide du cheiff seigneur ; .... et quant il aura adjourne ses Remagiers pour y venir, etc.
P. Carpentier, 1766.
Ramagium, Ornamentum vestis instar rami figuratum, nostris quoque Ramage.[] Invent. ann. 1371. apud Garamp. in Disquis. de sigil. Garfagn. pag. 119 :
Una casula cum Ramagiis perlarum per totum.
Vide Ramatgium.
© École des chartes.