« »
 
[]« 3 regardum » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 090a. http://ducange.enc.sorbonne.fr/REGARDUM3
3. REGARDUM, Conspectus, ut arbitror, a Gallico Regard, Adspectus. Charta ann. 1293. tom. 1. Hist. Dalphin. pag. 37. col. 1 :
Raymundus et successores sui cum sociis, peditibus et equitibus quibuscumque et quotiescumque voluerit, per totam terram domini Dalphini possit portare arma.... eundo ipse Raymundus in adjutorium aliquorum suorum amicorum, [] vel eundo pro negotiis suis, si contingeret eum habere Regardum ab inimicis suis,
hoc est, si bene interpretor, si contingeret eum esse in conspectu inimicorum suorum, aut inimicos suos in eum conspicere mox ei bellum illaturos. Clarior videtur alter locus in Libertatibus incolis Montis-Brisonis concessis ann. 1376. eod. tom. pag. 83. col. 1 :
Nisi duntaxat tempore guerræ domini nostri Dalphini in partibus Dalphinatus, aut alias dictus Dominus aut successores sui haberent guerram pro eorum proprio facto.... essentque et eorum terra in Regardo et timore inimicorum.
P. Carpentier, 1766.
◊ Nihil hic ad rem : idem enim est quod Terror, formido, pavor ne bellum aut quid mali accidat ; paratus ad bellum inferendum vel ad resistendum. Hinc Tenere in Regardo, quod Galli diceremus Tenir en respect, Timorem incutere sonat. Charta S. Ludov. ann. 1265. in Reg. 30. Chartoph. reg. ch. 353 :
Liceat ministris nostris capere claves ad manum suam,... donec guerra sit sedata, et donec Regardum cesset, et donec aliæ commoditates et necessitates nostræ sint expletæ.
Et Paulo ante :
Tempore guerræ et tempore Regardi.
Lit. remiss. ann. 1370. in Reg. 101. ch. 136 :
Insuper quod dictus exponens (dom. Malibecci) omnes meliores homines de Burgondio tenet in Regardo.
Aliæ ann. 1389. in Reg. 135. ch. 306 :
L'exposant veant qu'il estoit en grant Regart tous les jours dudit Estiennet qui faisoit grans sermens qu'il mettroit mort ledit exposant, etc.
Vide infra Respectus 7.
© École des chartes.