REPENTINÆ Feriæ, Festa, si bene conjecto, quæ non solent celebrari, sed quæ repentino quodam pietatis motu coluntur certis de causis non semper recurrentibus. Statuta Mutinæ fol. 77. rubr. 373 :

Et possit cognosci (de damno facto) et definiri, secundum formam dicti statuti, qualibet die feriata vel non feriata, et nonobstantibus aliquibus feriis solemnibus vel Repentinis, nisi essent feriæ solemnes introductæ ad reverentiam et honorem Dei.

Vide Feriæ 3. Vide supra Festa repentina in Festum 1.