RESTAURATIO, Instauratio ; item Compensatio. Vetus Interpres S. Irenæi Græcam vocem Ἀποϰατάστασις Restauratio vertit lib. 1. cap. 21. num. 3. ult. edit.

Restauratio servitutis

, Juliano lege 7. Dig. de Fundo dotali. Restaurationes Ecclesiarum, de quibus exstat Præceptum Caroli M. apud Mabillon. tom. 3. Analect. pag. 262. et seqq.

Restaurationes Monasteriorum et ceterarum Ecclesiarum

, in Gestis Aldrici Episc. Cenoman. ibid. pag. 276. Charta ann. 1228. e Chartulario S. Vandregesili tom. 1. pag. 1186 :

Et si aliquo casu non poterimus eidem garantisare dictam masuram et dictam granchiam, tenebimur memoratis Religiosis in alio feodo nostro tam supra masura quam supra granchia sæpedicta Restaurationem facere competentem.

Hinc Restauratio equorum, nostris Restour, olim dicebatur Regum Principumve consuetudo, qua vassallorum suorum, ad eorum submonitiones castra sequentium, equos æstimabant, ut si quod in bellis damnum paterentur, resarcirent ipsi : qua de re dictum est in voce Equus, egitque R. P. Daniel lib. 3. de Militia Francica pag. 171. Vide mox Restaurum.