« »
 
[]« Revestitus presbyteri » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 176a. http://ducange.enc.sorbonne.fr/REVESTITUS
REVESTITUS Presbyteri. Charta [] Manassis Episc. Aurelian. ann. 1179 :
Ecclesiam sanctorum..... Gervasii et Protasii liberam, præter refectionem quæ debetur Canonicis S. Crucis, et Revestitum Presbiteri in die Dominico, et de ipso Presbytero justitiam.
An census pro investitura, de quo infra dicitur in Vestitura ? Me id affirmare vetant hæc verba in die Dominico. An enim verisimile est censum quotannis dumtaxat solvi solitum, quolibet die Dominico solvendum hic decerni ? Quocirca fere crediderim Revestitum Presbyteri hic esse obligationem, qua Presbyter seu Curio sacris vestibus Revestitus seu indutus, singulis diebus Dominicis, officio divino seu illius parti, in Ecclesia cathedrali S. Crucis, in subjectionis signum, interesse tenebatur. Forte lux uberior accessisset, si licuisset Chartam, unde hic locus excerptus est, integram consulere. Vide Revestiri.
P. Carpentier, 1766.
◊ Alia antiquior Charta, Joannis nimirum episc. Aurel. ann. 1091. exstat in Chartular. S. Crucis ejusd. urbis pag. 434. unde clarior lux non affulget : observandum tamen in neutra illarum dici id, de quo agitur, quolibet die Dominico præstandum fore :
Hæc supradicta eidem concedimus, salvis cæteris consuetis,... et de reddendis duabus pellibus caprinis nostro cantori et Revestitu sacerdotis in die Dominica et justitia de ipso sacerdote.
© École des chartes.