« »
 
[]« Rosola » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 217c. http://ducange.enc.sorbonne.fr/ROSOLA
ROSOLA, Rossola, Placentæ species a colore subrubido sic dicta, eadem quæ suis locis Rubeola et Rufeola. Sermo apud Apamias ann. 1322. apud Limborch. Sentent. Inquisit. Tolos. pag. 314 :
Ipse dedit dicto Petro Tort unum magnum cantellum de placenta et duo frustra de Rosolas.
Statuta Monasterii S. Claudii ann. 1448. p. 81 :
Item, et die Nativitatis Domini, quolibet anno, debet Pittantiarius ministrare præfatis domino Abbati et Conventui, generalia tritarum, necnon et in unum receptum secundum consuetudinem ejusdem monasterii, in quo pigmentum ; videlicet cuilibet Religioso unum cotetum et quatuor pintas vini, quinque Rossolas et unum magnum panem.
les Bénédictins de St. Maur, 1733–1736.
Rosolia, Rossolie, Eadem notione. Usus Culturæ Cenomannensis :
Generale et pitanciam debent habere de bonis et magnis piscibus, et Rosolias, et duo pulmenta, et charitatem de optimo vino.
Et alibi :
Generale et pitantia sit de bonis piscibus, et Rossolias, aut alia pitancia in loco Rossoliarum, si tempus non est comedendi adipem.
Ex quibus posterioribus verbis patet Rossolias in hoc Monasterio adipe conditas fuisse ; ex quo tamen non continuo sequitur eodem modo in aliis Monasteriis fuisse confectas, ubi pro adipe butyrum potuit adhiberi. Quas nostri Rufeolas, seu Rossolias, et hic habetur, vocabant, eas Germani Cratones, seu Grapfones appellabant a Teutonico Grapfen, quæ ipsis placentulæ species est in altum erectæ ex farina et butyro confectæ. Vide Cratones, Roscella et Rufeola.
© École des chartes.