RUFEOLA, Rufella, Panis seu placentæ species, Rougeolle, Picardis nostris, quod colore subrubido sit. Udalricus lib. 2. Consuetud. Cluniac. cap. 4 :

Pro signo Rufeolarum, vel, ut Theutonici loquuntur, Cratonum, præmisso signo generali panis simula cum duobus digitis illas minutas involutiones, quæ in eis sunt factæ, ex ea parte, qua sunt complicatæ, et quasi rotundæ.

Eadem habet Bernardus Monachus in Ordine Cluniac. part. 1. cap. 17. Sed S. Wilhelmus lib. 1. Constitut. Hirsaug. cap. 9. pro Rufeolarum, habet Raseolarum : ubi Liber Ordinis S. Victoris Parisiensis MS. habet Rusellarum. Vide Rofiolus, Roscella et Rosola.