1. ROTABULUM, Ornatus altaris toreuticus, quo tabella sacra solet includi, Gallis Retable ; unde vererer, ne legendum esset Retabulum, nisi etiam dici potuisset Rotabulum, quod hujusmodi ornatus nonnumquam rotundus sit. Ritus Ecclesiæ Toletanæ ex Missali Mozarabum de Sabbato sancto, apud Marten. de antiqua Ecclesiæ Disciplina in Divinis Off. pag. 463 :

Et cum pervenerint ad altare majus, Sacerdos faciat confessionem, ut moris est, et facta confessione Sacerdos solemniter dicat hymnum

Gloria in excelsis Deo,

et statim.... discooperiantur altaria frontalibus nigris, et Rotabula aurea, et omnia appareant solemniter, etc

. Vide Retaule et Rotalle.