SERABAITÆ, Hæretici Valdensium sectarii, sic dicti quod ut Sarabaitæ Monachi per urbes et castella vagantes proprio arbitratu vivebant. Vide Sarabaitæ. Articuli probat. contra fr. Ubertin. tom. 1. Miscell. Baluz. pag. 295 :

Sanctitas etiam vestra in Constitutione quam fecit contra sectam Serabaitarum, quæ incipit

Gloriosum,

errorem Serabaitarum, qui dicebant Ecclesiam Romanam carnalem et meretricem magnam et auctoritate et potestate privatam, damnat, non sicut novam hæresim, sed sicut hæresim Donatistarum et Manichæorum ac Valdensium, et mandat eos sicut hæreticos capi et puniri

. Ibidem pag. 298 :

Et Inquisitores hæreticæ pravitatis contra Serabaytas et Beginos dictos errores tenentes tamquam contra hæreticos processerunt, et eos propter istud extremo judicio tradiderunt curiæ seculari.

Vide Beghardi et Bulgari.