1. SERIA, Serea, Vasculi species. Joannes de Janua : Seria a Syria dicitur, i. olla, quasi Syria, quod ibi primo facta est, etc. Papias : Serea, sing. vasis genus, orca, inde seriola. In Agrimensoribus vox Seria occurrit, ubi vasculum effingitur. Seriolam inde habet Persius, et ex eo Isidorus lib. 29. cap. 6. Gloss. vet. Sangerm. num. 501 : Seriola, est orcarum directus ordo, vel vas fictile vini apud Siriam primum excogitatum. Vide Donatum ad Terent. et JC.

2. SERIA, pro Series. Gloss. Lat. Gr. : Seriam, ἀϰόλουθον. Seria, ὅρμαθος, ubi perperam steria. Series, τάξις,...... ὁρμαθός. Rhythmi in obitum Henrici VII. Imp. :

Exponit Florentinis

Totius facti Seriam,

Processus, et materiam

Intoxicationis.

Atque inde conjicit Salmasius ad Solin. in Agrimensoribus scribendum Seria, ubi serra legitur. Apud Vitalem :

A sextaneo si vis sequi limitem, rectam Serram sequeris ped. 150.

ubi emendat Seriam. Huic emendationi favet vetus Notitia sub Rogerio Rege Siciliæ ann. 1144. apud Rocchum Pirrum in Archiepisc. Massan. :

Et descendit per pedem montis, ubi sunt multi lapides, exinde Sericam forestæ, usque ad culturam Ecclesiæ, etc.

Infra :

Et a prædicto vallone recipit Roccam magnam usque ad Seriam blagi, in quo via regalis descendit ad fontem de Maltru, et recipit Seriam sassi, etc.

Vide Serra 2.