« »
 
[]« Simenellus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 489b. http://ducange.enc.sorbonne.fr/SIMENELLUS
SIMENELLUS, Panis similaceus, ex Simila, Græcis σεμιδαλίτης, cui secundum inter panes bonitatis locum assignat Galenus lib. 1. de Aliment. Anglis Simnellbread. Vide Graff. Thesaur. Ling. Fr. tom. 6. col. 222. voce Semala. Capitulare de Villis cap. 45 :
Pistores qui Similas ad opus nostrum faciunt, etc.
Constantinus African. lib. 5. Loc. commun. med. cap. 15 :
Panis, qui de granorum fit medullis, et Simila vulgo solet vocari, nutribilior est et indigestibilior.
Inde Regiis mensis ministrari olim solitus. Liber de Situ Ecclesiæ Belli in Anglia :
Constituens in primo Monachis ejusdem Ecclesiæ ad cotidianos usus panem regiæ mensæ aptum, qui Simenel vulgo vocatur, habere pondere 60. solidorum,[] et in quadragesima de quartario majorem, ut eleemosynæ pars sibi cederet.
Rogerus Hovedenus pag. 738 :
Cum autem Rex Scotiæ ad Curiam Regis Angliæ venerit, quamdiu ipse in Curia Regis Angliæ moram fecerit, quotidie de liberatione 30. solidos, et 12. wastellos dominicos, et 12. Simenellos dominicos, et 4. sextaria de dominico vino Regis, etc.
Bromptonus ann. 1044 :
Eo die præcentor loci recipiat de fisco regio dimidiam marcam, et conventus centum Simenellos, et unum modium vini.
Iter Camerarii Scotici cap. 9. § 5. de Pistoribus :
Non faciunt quodlibet genus panis, ut Lex burgi inquirit, videlicet quachetum, Siminellum, vastellum, panem azymum, purum panem, panem mixtum, etc.
Ubi perperam edit. symmellum. Ita male etiam simerellus, pro simenellus, edit. in Hist. Monmorenc. pag. 101. Fleta lib. 2. cap. 9. § 1 :
Panis de Simenel (ponderabit) minus wastello de 2. s. quia bis coctus erit.
Le Roman d'Auberi MS. :
Si voit porter Simeniaus buletez.
Vetus Consuetudo municipal. Ambian. MS. :
Et ne porra en ces fourniaus quire fors flaons et tartes, et pastés, et Seminiaus.
Charta Philippi Comitis Fland. pro Ambianensib. :
L'Arcediacre d'Amiens à cascun Noël de coustume à Amiens de son droit de cascune cambe à chervoise 1. sestier de chervoise à denier, ou 1. denier, et cascun four ou fournel 1 den. ou denrée de pain, ou de Simeniaus, ou de tel pain qu'il cuist.
Magnum Tabularium Corbeiense :
Tout li four et li moulin de la dite ville sont sien, (à l'Abbé) et ne puet nus faire fourniaus à cuire tartes ou pastés, ou Simeniaus, sans son congié.
Vide Simila.
P. Carpentier, 1766.
◊ Simonneaulx mendose, pro Simeneaulx, in Lit. remiss. ann. 1401. ex Reg. 156. Chartoph. reg. ch. 65 :
Un petit four ouquel le suppliant avoit accoustumé de faire cuire Simonneaulx ou eschaudez. Symeniax,
in Charta ann. 1290. in Lib. rub. fol. parvo domus publ. Abbavil. fol. 20. v°.
les Bénédictins de St. Maur, 1733–1736.
Simenellus Salus. Liber niger Scaccarii pag. 341 :
Cancellarius (habebit) v. solidos in die, et 1. Simenellum dominicum, et 11. salum
. Ubi Cl. Editor Hearnius
Simenellos salos
intelligit quotidianos, in quibus conficiendis sale utebantur, unde Simenellos salinos legendum esse suspicatur. Cum vero nonnumquam in iis simenellis effigiem Salvatoris vel Virginis Mariæ imprimebant ; hinc forte nomen sunt sortiti quod Salutationis Angelicæ figuram præ se ferrent, quomodo Saluts nuncupabant nummos illos qui eadem forma erant insigniti. Simenelli sali longe diversi a Simenellis dominicis qui absque fermento erant, constabantque optima farinæ parte. Vide Michia in Mica 1.
les Bénédictins de St. Maur, 1733–1736.
Seminellus, Eadem notione, in Charta ann. 1282. apud Rymer. tom. 2. pag. 191 :
Constabularius Angliæ, si extra domum comederit, percipiet v. solidos in die, et unum Seminellum dominicum.... Si vero intra domum comederit tres solidos et sex denarios, duos Seminellos, etc.
les Bénédictins de St. Maur, 1733–1736.
Siminellus, apud Skenæum de Verborum significat. pag. 151.
© École des chartes.