STYRPUS, Silva exstirpata, idem quod Exartus. Vide in hac voce. Codex censualis MS. Irminonis Abbat. Sangerm. fol. 108 :

Habet ibi Styrpos ii. quos dominus Irmino Styrpavit, quæ possunt seminari de modiis frumenti lx.

Vetus Charta in Vita S. Domitiani :

Et habet in longitudine cum colle et silva supra viam secundum virilem manum, perticas agripedales 112. in latitudine et parte meridiana cum sarpa perticas agripedales 72. ac semissem, infra hunc terminum, et perticationem sub integritate vobis cedimus, similiter et unum campellum subtus viam superiorem, qui ad Styrpum præscriptæ vineæ a sero jungit, etc.

Vide Stirpare.